Amfan tsiklony saldarynan Úndistan men Bangladeshte kem degende 103 adam qaza tapty, dep habarlaidy malaiziialyq New Straits Times gazeti.
22 mamyrda Úndistannyń shyǵysynda jáne Bangladeshte 20 jyldan astam ýaqyt ishinde eń qýatty tsiklonnan keiin qalpyna keltirý jumystary bastaldy. Apattan Batys Bengaliia shtatyna qatty zardap shekti, munda qaza bolǵandardyń sany 80 adamǵa jetti, dep habarlaidy Hindustan Times gazeti. Daýyl myńdaǵan qurylystardy buzdy. Kalkýtta áýejaiy sý astynda qaldy. Ondaǵan myń úidiń shatyry ushyp ketken,1 mln úi elektr jaryǵynsyz qaldy.
Úndistannyń Premer-ministri Narendra Modi 22 mamyrda Batys Bengaliia men Odishaǵa osy eki shtattaǵy jaǵdaidy baǵalaý úshin attandy.
Deutsche Welle nemis teleradiokompaniiasynyń habarlaýynsha, Bangladeshte júzdegen ǵimarat búlingen, teńiz shaiandary men asshaiandaryn ósiretin myńdaǵan fermalar qiraǵan, 10 mln-nan astam adam elektr jaryǵynsyz qalǵan.
Buǵan deiin Amfan tsiklonynan Úndistan men Bangladeshte 84 adam qaza tapqany týraly habarlanǵan bolatyn.
