قۋاتى كٷشتٸ امفان تسيكلونى ٷندٸستاننىڭ كالكۋتتا قالاسىن قيراتىپ, سالدارىنان ٷندٸستان مەن بانگلادەشتە كەم دەگەندە 84 ادام قازا تاپتى. بۇل تۋرالى ۆۆس اگەنتتٸگٸ حابارلادى.
سەرسەنبٸ كٷنٸ تسيكلون ٷندٸستاننىڭ جاعالاۋ ماڭىنداعى اۋداندارىن جاپىرعان. تسيكلون سولتٷستٸك باعىت, بۋتان مەملەكەتٸ جاعىنا قاراي ٶتٸپ, بٸرتٸندەپ ەلسٸرەپ كەلەدٸ.
تابيعي اپات سالدارىنان مىڭداعان اعاش تامىرىمەن جۇلىنعان, ەلەكتر سىمدارىنىڭ باعانالارى قيرادى, ٷيلەر تولىق جويىلعان.
كالكۋتتاداعى جولداردىڭ كٶبٸن سۋ باستى, 14 ميلليون ادام جارىقسىز وتىر.
امفان – بەنگال شىعاناعىندا 1999 جىلدان بەرٸ قالىپتاسقان العاشقى سۋپەرتسيكلون.
حالىقتى قۇتقارىپ, ولاردىڭ مٷلٸگٸن ساقتاپ قالۋ ٸس-قيمىلدارىنا ەلدە كوروناۆيرۋستىڭ تارالۋىنا قارسى كٷرەس ەدەۋٸر قيىندىق كەلتٸرٸپ وتىر.
زٸلزالادان ٷندٸستاندا كەم دەگەندە - 72 ادام, بانگلادەشتە – 12 ادام قازا تاپقانى تۋرالى حابارلانعان.
ەسكە سالا كەتسەك, 2007 جىلى بانگلادەشتە سيدر تسيكلونى بولىپ, سالدارىنان 3500-عا جۋىق ادام مەرت بولعان ەدٸ. ال 1999 جىلى ٷندٸستاننىڭ وديشا شتاتىندا امفانعا ۇقساس سۋپەرتسيكلون 10 مىڭنان استام ادامنىڭ ٶمٸرٸن قيىپ كەتتٸ.
