Qýaty kúshti Amfan tsiklony Úndistannyń Kalkýtta qalasyn qiratyp, saldarynan Úndistan men Bangladeshte kem degende 84 adam qaza tapty. Bul týraly VVS agenttigi habarlady.
Sársenbi kúni tsiklon Úndistannyń jaǵalaý mańyndaǵy aýdandaryn japyrǵan. Tsiklon soltústik baǵyt, Býtan memleketi jaǵyna qarai ótip, birtindep álsirep keledi.
Tabiǵi apat saldarynan myńdaǵan aǵash tamyrymen julynǵan, elektr symdarynyń baǵanalary qirady, úiler tolyq joiylǵan.
Kalkýttadaǵy joldardyń kóbin sý basty, 14 million adam jaryqsyz otyr.
Amfan – Bengal shyǵanaǵynda 1999 jyldan beri qalyptasqan alǵashqy sýpertsiklon.
Halyqty qutqaryp, olardyń múligin saqtap qalý is-qimyldaryna elde koronavirýstyń taralýyna qarsy kúres edáýir qiyndyq keltirip otyr.
Zilzaladan Úndistanda kem degende - 72 adam, Bangladeshte – 12 adam qaza tapqany týraly habarlanǵan.
Eske sala ketsek, 2007 jyly Bangladeshte Sidr tsiklony bolyp, saldarynan 3500-ǵa jýyq adam mert bolǵan edi. Al 1999 jyly Úndistannyń Odisha shtatynda Amfanǵa uqsas sýpertsiklon 10 myńnan astam adamnyń ómirin qiyp ketti.
