ٷندٸستاننىڭ شىعىسى مەن بانگلادەشتە بولعان قۋاتتى تسيكلوننان تۋىنداعان سۋ تاسقىنى جاعاعا جاقىن اۋدانداردا جٷزدەگەن ٷيلەردٸ قيراتىپ, اپات سالدارىنان كەم دەگەندە 14 ادام قازا تاپتى, دەپ حابارلايدى قازاقپارات ABC News-كە cٸلتەمە جاساپ.
وسى اپتادا ەكٸ ەلدٸڭ 3 ميلليونعا جۋىق تۇرعىنى قاۋٸپسٸز جەرگە كٶشٸرٸلدٸ. مەتەورولوگتاردىڭ حابارلاماسى بويىنشا, امفان - سوڭعى جىلدارى ايماقتا بولعان ەڭ قۋاتتى تسيكلونداردىڭ بٸرٸ.
ادامداردى قۇتقارىپ, ولاردىڭ مٷلٸگٸن ساقتاپ قالۋ ٸس-قيمىلدارىن كوروناۆيرۋستىڭ تارالۋىنا قارسى كٷرەستٸڭ جٷرگٸزٸلۋٸ ەدەۋٸر قيىندىق كەلتٸرٸپ وتىر.
تسيكلون ساعاتىنا 185 شاقىرىمعا دەيٸن جەتەتٸن ەكپٸندٸ جەلمەن بٸرگە ٷندٸستاننىڭ باتىس بەنگالييا شتاتىن باسىپ ٶتٸپ, ودان كەيٸن بانگلادەشتٸ جاپىرىپ ٶتكەن. مۇندا ەكٸ ادام قۇلاعان اعاشتىڭ استىندا قالىپ, قازا تاپتى.
داۋىل سالدارىنان باتىس بەنگالييانىڭ استاناسى كالكۋتتادا كٶلٸكتەر اۋدارىلىپ, بٸرنەشە اعاشتار مەن ەلەكتر سىمدارىنىڭ باعانالارى قۇلاعان.
باتىس بەنگالييانىڭ باس مينيسترٸ ماماتا بانەردجي شتاتتا كەم دەگەندە 10 ادام قازا تاۋىپ, ەكٸ اۋداننىڭ زارداپ شەككەنٸن مەلٸم ەتتٸ.
بانگلادەشتٸڭ نواحالي اۋدانىندا سۋ تاسقىنى سالدارىنان 500-دەن استام ٷي قيرادى.
ەسكە سالا كەتسەك, 2007 جىلى بانگلادەشتە سيدر تسيكلونى بولىپ, سالدارىنان 3500-عا جۋىق ادام مەرت بولعان ەدٸ. ال 1999 جىلى ٷندٸستاننىڭ وديشا شتاتىندا امفانعا ۇقساس سۋپەرتسيكلون 10 مىڭنان استام ادامنىڭ ٶمٸرٸن قيىپ ەكەتتٸ.
