Úndistannyń shyǵysy men Bangladeshte bolǵan qýatty tsiklonnan týyndaǵan sý tasqyny jaǵaǵa jaqyn aýdandarda júzdegen úilerdi qiratyp, apat saldarynan kem degende 14 adam qaza tapty, dep habarlaidy QazAqparat ABC News-ke cilteme jasap.
Osy aptada eki eldiń 3 millionǵa jýyq turǵyny qaýipsiz jerge kóshirildi. Meteorologtardyń habarlamasy boiynsha, Amfan - sońǵy jyldary aimaqta bolǵan eń qýatty tsiklondardyń biri.
Adamdardy qutqaryp, olardyń múligin saqtap qalý is-qimyldaryn koronavirýstyń taralýyna qarsy kúrestiń júrgizilýi edáýir qiyndyq keltirip otyr.
Tsiklon saǵatyna 185 shaqyrymǵa deiin jetetin ekpindi jelmen birge Úndistannyń Batys Bengaliia shtatyn basyp ótip, odan keiin Bangladeshti japyryp ótken. Munda eki adam qulaǵan aǵashtyń astynda qalyp, qaza tapty.
Daýyl saldarynan Batys Bengaliianyń astanasy Kalkýttada kólikter aýdarylyp, birneshe aǵashtar men elektr symdarynyń baǵanalary qulaǵan.
Batys Bengaliianyń bas ministri Mamata Banerdji shtatta kem degende 10 adam qaza taýyp, eki aýdannyń zardap shekkenin málim etti.
Bangladeshtiń Noahali aýdanynda sý tasqyny saldarynan 500-den astam úi qirady.
Eske sala ketsek, 2007 jyly Bangladeshte Sidr tsiklony bolyp, saldarynan 3500-ǵa jýyq adam mert bolǵan edi. Al 1999 jyly Úndistannyń Odisha shtatynda Amfanǵa uqsas sýpertsiklon 10 myńnan astam adamnyń ómirin qiyp áketti.
