امەريكالىقتار اسىراپ العان تايلەر (تالعات) بلوتتەر Facebook جەلٸسٸ ارقىلى قازاقستانداعى تۋىستارىن تاپتى, دەپ حابارلايدى قازاقپارات.
«جاقسى جاڭالىق - بالا كەزٸندە قازاقستاننان اسىراپ الىنعان تايلەر بلوتتەر (تالعات) تۋعان باۋىرلارىمەن قاۋىشتى. وعان ەرقانات تاسىباەۆ كٶمەكتەسٸپ, بٸرنەشە ساعاتتا پاۆلودارداعى وتباسىن تاۋىپ بەردٸ. جارايسىڭ, ەرقانات!», - دەپ حابارلاندى Facebook جەلٸسٸندەگٸ قازاقستاندىق-امەريكالىق قاۋىمداستىق پاراقشاسىندا.
تايلەر (تالعات) بلوتتەردٸ كٸشكەنتاي كەزٸندە امەريكالىقتار قازاقستانداعى بالالار ٷيٸنەن اسىراپ العان جەنە ميچيگان شتاتىنا الىپ كەتكەن. تايلەر جاڭا وتباسىنان كٶپ نەرسەنٸ ٷيرەنگەنٸن, بٸراق ٶز كەلبەتٸنٸڭ وتباسىنا ۇقسامايتىنىن, سول ٷشٸن قاتارلاستارىنىڭ مازاعىنا ۇشىراعانىن جازدى.
«ٶزٸمنٸڭ كٸم ەكەنٸمدٸ, قانداي وتباسىدان شىققانىمدى بٸلمەگەنٸم ٷشٸن, اينالامدارعى ادامداردان ەرەكشە بولعانىم ٷشٸن جىلايتىن ەدٸم. ٶزٸمدٸ ٶزٸم باعالامادىم. قازٸر مۇنداي ويلارمەن كٷرەسٸپ كەلەمٸن. مەكتەپتە وقىپ جٷرگەندە ٶز وتباسىم, باۋىرلارىم تۋرالى كٶپ ويلايتىنمىن. «قانداي ەكەن?» دەپ ويشا ەلەستەتەتٸنمٸن», - دەپ جازدى تايلەر (تالعات) بلوتتەر ٶزٸنٸڭ Facebook پاراقشاسىندا.
ورتا مەكتەپتٸ بٸتٸرگەن سوڭ تايلەر (تالعات) لاس-ۆەگاس قالاسىنا كٶشٸپ, سوندا بٸلٸم العان جەنە جۇمىس ٸستەگەن.
2020 جىلى كارانتين باستالعاندا ٶز وتباسىن ٸزدەپ تابۋدى ماقسات ەتٸپ قويعان.
«تۋعان انامنىڭ تەگٸنە ۇقساس بارلىق ادامدارعا حابارلاما جٸبەردٸم. «سٸز مەنٸ تانىمايسىز. بٸراق, مىنا ەيەلدٸ بٸلەسٸز بە?» دەگەن سىڭايدا حات جازدىم. ماعان ەشكٸم جاۋاپ بەرمەدٸ. تەك بٸر ادام قول ۇشىن سوزىپ, مەنٸ جەلٸدەگٸ قازاقستاندىق-امەريكالىق قاۋىمداستىق پاراقشاسىنا قوستى, وسى پاراقشاعا ٶز وقيعاڭدى جاز دەدٸ. 2020 جىلدىڭ 24 شٸلدەسٸندە تٷسكٸ 1-دە ٶز وقيعامدى بايانداپ, پوست شىعارعان ەدٸم. ساناۋلى ساعاتتا-اق تەلەفونىما حابارلاما تولىپ قالدى. كٶپتەگەن قازاقتار ماعان كٶمەكتەسكٸسٸ كەلدٸ. سول كٷنٸ كەشكٸ 5-تە بٸر ادام قازاقستاندا مەملەكەتتٸك قىزمەتتە ٸستەيتٸن دوستارى بار ەكەنٸن, سولار ارقىلى ٸزدەپ كٶرەتٸنٸن جازدى. ال كەشكٸ 8-دە «سەنٸڭ وتباسىڭ تابىلدى» دەپ حابارلاستى. مەن, ەرينە, سەنگەن جوقپىن. تٸپتٸ نە ويلارىمدى بٸلمەدٸم», - دەيدٸ كەيٸپكەر.
وسىلايشا تايلەر قازاقستانداعى ەپكەسٸمەن جەنە باۋىرلارىمەن بەينەبايلانىس ارقىلى سٶيلەسكەن.
«ولار مەنٸ 16 جىل بويى ٸزدەپتٸ. بالالار ٷيٸ مەن تۋرالى ەش اقپارات بەرمەگەن. ولاردىڭ ەش حابارى بولماعان. 16 جىل ٶتكەن سوڭ بيولوگييالىق وتباسىممەن بايلانىسىپ وتىرمىن. بۇل جازبانى دا ماقتانعاننان ەمەس, قاتتى تولقىعاننان جازىپ وتىرمىن», - دەيدٸ تايلەر (تالعات) بلوتتەر.
