Covid-19 ٸندەتٸنە قارسى Moderna Inc. كومپانيياسىنىڭ ۆاكتسيناسى ۆيرۋستى زەرتتەۋدٸڭ العاشقى ساتىسىنا قاتىسقان بٷكٸل پاتسيەنتتٸڭ بويىندا انتيدەنە قالىپتاستىرادى, دەپ حابارلايدى Bloomberg.
امەريكالىق بيوتەحنولوگييالىق كومپانييانىڭ جەتٸستٸگٸ – ەلەمدٸك ەكونوميكانى توقىراتىپ تاستاعان كوروناۆيرۋسقا قارسى ۆاكتسينانى ەزٸرلەۋ بەيگەسٸندە ٷمٸتتٸ جەتٸستٸكتەردٸڭ الدىڭعى قاتارىندا تۇر. ەيتسە دە سەتتٸ ۆاكتسينانى قۇرۋ جولىندا كەدەرگٸ كٶپ. وعان قوسا پاتسيەنتتەردٸڭ كەيبٸرٸنە سىناق بارىسى ايتارلىقتاي كەرٸ ەسەر ەتكەنٸ بايقالعان.
ورتاشا دوزا العان ۆاكتسينانى زەرتتەۋدٸڭ العاشقى ساتىسىنا قاتىسۋشىلاردىڭ جارتىسىندا ەلسٸزدٸك, قالتىراۋ, باس اۋرۋى جەنە بۇلشىق ەتتٸڭ اۋىرسىنۋى بايقالعان. سونىمەن قاتار ەكٸنشٸ ۆاكتسيناتسييادان كەيٸن ۆاكتسيناتسييانىڭ ورتاشا دوزاسى بار توپتاعى ادامداردىڭ 40%-نىڭ دەنە قىزۋى كٶتەرٸلگەن. ماكسيمالدى دوزانى العان 14 پاتسيەنتتٸڭ ٷشەۋٸندە اۋىر جاناما ەسەر بولعان.
Moderna Inc. كومپانيياسىنىڭ mRNA-1273 ۆاكتسيناسىنىڭ العاشقى زەرتتەۋٸنە ٷش توپقا بٶلٸنٸپ, 45 ناۋقاس قاتىسقان. زەرتتەۋگە قاتىسۋشىلار ۆاكتسينانىڭ 25, 100 جەنە 250 ميكروگرامم بولاتىن ەكٸ دوزاسىن 28 كٷن ارالىعىمەن قابىلداعان.
42 پاتسيەنتكە ىقتيمال ۆاكتسينانىڭ ەكٸنشٸ دوزاسىن سالعاننان كەيٸن زەرتتەۋ نەتيجەلەرٸنە سەيكەس كوروناۆيرۋستى بەيتاراپتاندىرۋعا قابٸلەتتٸ انتيدەنەلەر پايدا بولا باستادى. كومپانييانىڭ مەلٸمەتٸنشە, 27 شٸلدەدەن باستاپ جالعاساتىن كلينيكالىق زەرتتەۋلەرگە ارنالعان دوزانىڭ ورتاشا مٶلشەرٸ تاڭدالدى.
Bloomberg كومپانيياسى ۇسىنعان مەلٸمەتتەرگە سەيكەس ۆاكتسينا 18 بەن 55 جاس ارالىعىنداعى پاتسيەنتتەرگە سىنالعان. كومپانييا ەگدە جاستاعى پاتسيەنتتەر (ولاردىڭ اراسىندا كوروناۆيرۋستان ٶلٸمنٸڭ ەڭ جوعارى دەڭگەيٸ بايقالعان) قاتىسقان زەرتتەۋدٸڭ ەكٸنشٸ بٶلٸگٸنٸڭ نەتيجەلەرٸن ۇسىنعان جوق.
«جاقسى جاڭالىق مىنادا - بۇل ۆاكتسينا انتيدەنەلەردٸ شىعارادى. بۇل جاي انتيدەنەلەر عانا ەمەس, سونىمەن قاتار [ۆيرۋستى] بەيتاراپتاندىراتىن انتيدەنەلەر», - دەدٸ اقش ۇلتتىق اللەرگييا جەنە جۇقپالى اۋرۋلار ينستيتۋتىنىڭ ديرەكتورى ەنتوني فاۋكي.
Bloomberg-كە تەلەفون ارقىلى بەرگەن سۇحباتىندا فاۋچي Moderna Inc. ۇسىنعان دەرەكتەرگە سٸلتەمە جاساي وتىرىپ, ونى «شىنىمەن ٷمٸت زور» دەپ اتادى. ول بايقالعان جاناما ەسەرلەردٸڭ الاڭداۋشىلىق تۋدىرمايتىنىن جەنە باسقا ۆاكتسينالارعا تەن ەكەنٸن اتاپ ٶتكەنٸمەن, كەيبٸر ساراپشىلار ەلٸ دە ەرتەرەك وپتيميزمگە بەرٸلگٸسٸ كەلمەيدٸ.
«يە, (ۆاكتسينانىڭ) كٶپتەگەن جاناما ەسەرٸ بار», - دەيدٸ سولتٷستٸك كارولينادا ورنالاسقان ادامدى ۆاكتسيناتسييالاۋ ينستيتۋتىنىڭ دوكتورى ەرٸ زەرتتەۋشٸسٸ توني مۋدي.
ول ۆاكتسينانىڭ كٶپتەگەن جاناما ەسەرٸ «ەدەتتەگٸدەن ەرەكشە» ەكەنٸن اتاپ ٶتتٸ. ەكٸنشٸ جاعىنان مۋدي شىعارىلعان انتيدەنە دەڭگەيٸ «شىنىمەن ٷمٸتتەندٸرەتٸنٸن» ايتادى. Access Health International ۇيىمىن باسقاراتىن گارۆاردتاعى مەديتسينا مەكتەبٸنٸڭ بۇرىنعى زەرتتەۋشٸسٸ ۋيليام حەزەلتين ۆاكتسينا شىعاراتىن انتيدەنەلەر دەڭگەيٸن «لايىقتى» دەپ اتادى. بٸراق ول ۆاكتسينالاردىڭ قاۋٸپسٸزدٸگٸ مەسەلەسٸ باسى اشىق مەسەلە بولىپ قالا بەرەتٸنٸن باسا ايتتى.
ونىڭ ەرٸپتەسٸ - وڭتٷستٸك كارولينا ۋنيۆەرسيتەتٸنٸڭ مەديتسينا مەكتەبٸنٸڭ ميكروبيولوگييا پروفەسسورى پاۋلا كەننون ۆاكتسينا جاقسى جۇمىس ٸستەگەنٸن ايتىپ «انتيدەنەلەر شىعارا الادى» دەپ سانايدى. بٸراق انتيدەنەلەردٸڭ ەلسٸرەۋٸ قانشا ۋاقىتقا سوزىلادى دەگەن تاعى بٸر سۇراق تۋىندايدى.
Bloomberg اتاپ ٶتكەندەي, 9 جىل بۇرىن ماسساچۋسەتستە قۇرىلعان بيوتەحنولوگييالىق كومپانييانىڭ Moderna Inc. اكتسييالارى سەرسەنبٸدە 15% ٶسٸپ, بٸر جىلدا 4 ەسە ٶسٸمدٸ كٶرسەتكەنٸن حابارلايدى. سەبەبٸ كومپانييانىڭ ۆاكتسيناسى تەز ارادا ماقۇلدانادى-اۋ دەگەن ٷمٸت بار.
عالىمدار Moderna Inc.-تٸ اكتسييالاردىڭ باعاسىن ۋاقىتشا جوعارىلاتۋعا ارنالعان وڭ نەتيجەلٸ ۆاكتسينالاردى زەرتتەۋ نەتيجەلەرٸن جارييالاعانى ٷشٸن بۇعان دەيٸن دە سىنعا العان. عىلىمي قاۋىمداستىقتىڭ پٸكٸرٸنشە, كومپانييا مەلٸمەتتەردٸ شەكتەپ تاراتادى. وسىنىڭ نەگٸزٸندە ۆاكتسينانىڭ تيٸمدٸلٸگٸن باعالاۋ قيىن.
قالاي بولعاندا دا, ۆاكتسينانى زەرتتەۋ نەتيجەلەرٸ تۋرالى جاڭالىق, ەسٸرەسە كوروناۆيرۋس جۇقتىرعانداردىڭ سانى 3,4 ميلليوننان اسىپ كەتكەن اقش-تى ايتارلىقتاي قۋانتىپ وتىر. دجونس حوپكينس ۋنيۆەرسيتەتٸنٸڭ ينتەراكتيۆتٸ كارتاسى بويىنشا ۆيرۋس امەريكا قۇراما شتاتتارىندا قازٸردٸڭ ٶزٸندە 136 000-نان استام ادامنىڭ ٶمٸرٸن قيعان.
