„ٶتكەن تٷنٸ بوكسشى ۆاسيليي لەۆيتتٸڭ التىن مەدالٸ ۇرلانىپ قويعاندىقتان, بٸز ونىڭ جەڭٸسٸ ٷشٸن اقشا تٶلەي باستادىق" دەپ جازدى ولار تۆيتتەردەگٸ جازباسىندا.
وسىلايشا اعىلشىن بۋكمەكەرلٸك كەڭسەسٸ ريوداعى وليمپيادادا ەدٸلەتسٸزدٸككە ۇشىراعان قازاقستان بوكسشىسىنا اشىق قولداۋ بٸلدٸردٸ.
ەسكە سالا كەتەلٸك, ريودا كەشە اۋىر سالماقتا شارشى الاڭعا شىققان قازاقستاندىق بوكسشى ۆاسيليي لەۆيت ٶز قارسىلاسىن ٷش راۋند بويىنا ساباپ وتىردى. تٸپتٸ, جاراقات العان رەسەيلٸك بوكسشى ەۆگەنيي تيششەنكوعا مەديتسينالىق كٶمەك تە كٶرسەتٸلدٸ. بٸراق سوعان قاراماستان جەڭٸستٸ تيششەنكو الىپ كەتتٸ. مۇنداي اشىق باسسىزدىققا زالداعىلار تٶزبەي, كٶپكە دەيٸن ۋٸلدەپ-گۋٸلدەپ جاتتى.
بۇل جەكپە-جەككە تٶرەلٸك جاساعان قازىلار شەشٸمٸنە قاتىستى حالىقارالىق باسپاسٶز بەن بوكس سالاسىنىڭ ساراپشىلارى دا كٷمەن كەلتٸردٸ.
ولاردىڭ ٸشٸندە رف قۇراماسىنىڭ باپكەرٸ ەدۋارد كراۆتسوۆ, ارگەنتينالىق كەسٸبي-بوكسشى سەرحيو مارتينەس, ESPN حالىقارالىق تەلەارنانىڭ شولۋشىسى دەن رافاەل, FightNights.com سايتى, يرلاندىق بوكشى Tommy McCarthy دە بار.
