„Ótken túni boksshy Vasilii Levittiń altyn medali urlanyp qoiǵandyqtan, biz onyń jeńisi úshin aqsha tólei bastadyq" dep jazdy olar Tvitterdegi jazbasynda.
Osylaisha aǵylshyn býkmekerlik keńsesi Riodaǵy Olimpiadada ádiletsizdikke ushyraǵan Qazaqstan boksshysyna ashyq qoldaý bildirdi.
Eske sala ketelik, Rioda keshe aýyr salmaqta sharshy alańǵa shyqqan qazaqstandyq boksshy Vasilii Levit óz qarsylasyn úsh raýnd boiyna sabap otyrdy. Tipti, jaraqat alǵan reseilik boksshy Evgenii Tishenkoǵa meditsinalyq kómek te kórsetildi. Biraq soǵan qaramastan jeńisti Tishenko alyp ketti. Mundai ashyq bassyzdyqqa zaldaǵylar tózbei, kópke deiin ýildep-gýildep jatty.
Bul jekpe-jekke tórelik jasaǵan qazylar sheshimine qatysty halyqaralyq baspasóz ben boks salasynyń sarapshylary da kúmán keltirdi.
Olardyń ishinde RF quramasynyń bapkeri Edýard Kravtsov, argentinalyq kásibi-boksshy Serhio Martines, ESPN halyqaralyq telearnanyń sholýshysy Den Rafael, FightNights.com saity, irlandyq bokshy Tommy McCarthy de bar.
