امبۋلاتورلىق قىزمەتتٸڭ جٷكتەمەسٸ جوعارى بولىپ تۇر . بۇل تۋرالى «ۇلتتىق عىلىمي كارديوحيرۋرگييا ورتالىعى» اق باسقارماسى تٶراعاسىنىڭ بٸرٸنشٸ ورىنباسارى ماحاببات بەكبوسىنوۆا ايتتى, دەپ حابارلايدى قازاقپارات.
«قازٸرگٸ ۋاقىتتا سيمپتومسىز جەنە اۋرۋ جەڭٸل ٶتٸپ جاتقان پاتسيەنتتەردٸڭ كٷندەلٸكتٸ ستاتيستيكاسىن جٷرگٸزٸپ وتىرمىز. 15 مىڭعا جۋىق ادام سيمپومسىز, 2 مىڭعا جۋىق اۋرۋدىڭ جەڭٸل تٷرٸ ٶتٸپ جاتقان پاتسيەنت رەتٸندە باعالانعان. امبۋلاتورلىق بۋىننىڭ جٸتٸ باقىلاۋى بارىسىندا پاتسيەنتتەردٸڭ شامامەن 3 پايىزى ستاتسيونارعا اۋىستىرىلادى. مۇنداي مەلٸمەتتەر كٷن سايىن تٷسەدٸ», - دەدٸ ول.
ونىڭ اتاپ ٶتۋٸنشە, اۋرۋدىڭ العاشقى بەلگٸلەرٸ بايقالعان كەزدە تٸركەلگەن مەديتسينالىق مەكەمەگە جٷگٸنۋ قاجەت. قازٸرگٸ ۋاقىتتا مەديتسينالىق مەكەمەمەن بايلانىسۋعا مٷمكٸندٸك بەرەتٸن بايلانىس نٶمٸرلەرٸ بارلىق جەردە بار.
«ەرينە, امبۋلاتورلىق قىزمەتتە بەلگٸلٸ بٸر پروبلەمالاردىڭ بار ەكەندٸگٸ جاسىرىن ەمەس. بٸز امبۋلاتورلىق بۋىندا تەك شۇعىل قاراۋلاردى عانا قالدىرىپ, بارلىق جوسپارلى كەڭەس بەرۋلەردٸ توقتاتۋدى ٶتٸندٸك. ٶيتكەنٸ, بٷگٸندە امبۋلاتورلىق قىزمەتتٸڭ جٷكتەمەسٸ جوعارى بولىپ تۇر. كارديولوگ رەتٸندە كٷرەتامىر قىسىمى نەمەسە جٷرەك تۇسىندا اۋىرسىنۋ بولعان كەزدە كەڭەس قاجەت ەكەندٸگٸن تٷسٸنەمٸن. بٸراق, ول ٷشٸن ارنايى ۇتقىر توپ قۇرىلعان. بۇعان قوسا, COVID-19-بەن اينالىساتىن ۇتقىر توپ تا بۇل اقپاراتتى مەديتسينالىق-سانيتارلىق العاشقى كٶمەككە بەرە الادى», - دەدٸ ماحاببات بەكبوسىنوۆا.
ونىڭ ايتۋىنشا, قازٸرگٸ ۋاقىتتا جەدەل مەديتسينالىق كٶمەك قىزمەتٸنٸڭ دە جٷكتەمەسٸ تىم ٷلكەن بولىپ تۇر. بۇل قىزمەتكە بولماشى سيمپتومى بار پاتسيەنتتەر دە ٶتە كٶپ قوڭىراۋ شالادى. سونىڭ سالدارىنان شۇعىل كٶمەك قاجەت ەتەتٸن ناۋقاستارعا دەر ۋاقىتىندا جەردەم بەرٸلمەي جاتادى. بۇعان قوسا اپتاسىنا 24 ساعات جۇمىس ٸستەيتٸن امبۋلاتورلىق قىزمەت, ياعني, مەديتسينالىق-سانيتارلىق العاشقى كٶمەك دەڭگەيٸندە كەزەكشٸ بريگادالار قۇرۋ قاجەت.
«وسىعان بايلانىستى جەدەل مەديتسينالىق قىزمەت ٶتە اۋىر ساناتتاعى اۋرۋلار ٷشٸن شۇعىل جاعدايدا جۇمىس ٸستەۋٸ تيٸس. مەنٸڭشە, وسى شارالاردى قابىلداۋ ەلٸمٸزدەگٸ احۋالدى تۇراقتاندىرۋعا مٷمكٸندٸك بەرەدٸ», - دەدٸ ول.
