الماتى وبلىسىنىڭ ەكٸمٸ اماندىق باتالوۆ «دەماگوگ» دەپ اتاپ, جۇمىستان قۋعان شەنەۋنٸك ٶز قىزمەتٸندە قالاتىن بولدى, - دەپ حابارلايدى "ۇلت اقپارات".
«ول ارىز جازبادى. ەسەپ بەرۋ كەزدەسۋٸنەن كەيٸن كٶپبالالى انالار بٸزگە حابارلاسىپ, ٶتٸنٸش ايتتى. «بٸر تۇرعىننىڭ ارىزى - بٷكٸل حالىقتىڭ پٸكٸرٸ ەمەس» دەدٸ. انالار ەلەۋمەتتٸك جەلٸلەرگە جەنە وبلىس ەكٸمٸنە جەكە-جەكە حات جازىپ, قالا ورىنباسارىن ورنىندا قالدىرۋدى سۇرادى. تۇرعىنداردىڭ پٸكٸرٸنشە, قالياسقاروۆ كٶپبالالى انالارمەن جاقسى جۇمىس ٸستەيدٸ. وسىعان بايلانىستى ونى جۇمىس ورنىندا قالدىرۋ تۋرالى شەشٸم قابىلداندى, بٸراق بۇدان بىلاي ەشكٸم ونىڭ جۇمىسىنا شاعىمدانباۋى ٷشٸن وعان ەسكەرتۋ جاسالدى», - دەدٸ الماتى وبلىسى ەكٸمٸنٸڭ باسپاسٶز حاتشىسى عالىمۇرات جٷكەل.
ەستەرٸڭٸزگە سالا كەتەيٸك, كەشە وبلىس ەكٸمٸنٸڭ ەسەبٸ اياقتالعاننان كەيٸن تالدىقورعاندىق تۇرعىن لياززات قۇدايبەرگەن اماندىق باتالوۆقا شاعىمىن جەتكٸزگەن بولاتىن. اماندىق باتالوۆتىڭ تالدىقورعان قالاسى ەكٸمٸنٸڭ ورىنباسارى اسحات قالياسقاروۆتى نە سەبەپتٸ «دەماگوگ» دەپ اتاعانىن سٸلتەمەنٸ باسىپ, وقي الاسىزدار.
