بٷگٸن «AMANAT» پارتيياسى جانىنداعى ازاماتتىق قوعام مەن مەدەنيەتتٸ دامىتۋ جٶنٸندەگٸ «Miras» رەسپۋبليكالىق قوعامدىق كەڭەسٸنٸڭ بيىلعى العاشقى وتىرىسى ٶتتٸ. وعان دەپۋتاتتار, ٷكٸمەت مٷشەلەرٸ, قوعام قايراتكەرلەرٸ مەن زييالى قاۋىم ٶكٸلدەرٸ قاتىستى. كەڭەستە مەملەكەت باسشىسىنىڭ جولداۋىندا ايقىندالعان رەفورمالاردى جٷزەگە اسىرۋ كەزەڭٸندە باق-تىڭ رٶلٸ, جاۋاپكەرشٸلٸگٸ, ەلەۋمەتتٸك كٷيٸ, كەسٸبي ەلەۋەتٸ جەنە «جاڭا قازاقستان: مەدەني-رۋحاني ەلەم جەنە كٸتاپ شىعارۋ» تاقىرىپتارى قارالدى, دەپ حابارلايدى "ۇلت اقپارات".
پارتييانىڭ كەزەكتەن تىس ححٸٸ-شٸ سەزٸندە پرەزيدەنت, پارتييا تٶراعاسى قاسىم-جومارت توقاەۆ پارتييانى تٷبەگەيلٸ قايتا جاڭعىرتۋدىڭ ماقسات-مٸندەتتەرٸن ايقىنداپ, «AMANAT» پارتيياسىنىڭ مەملەكەتتٸڭ تەۋەلسٸزدٸگٸ مەن ەلدٸڭ بٸرلٸگٸ ٷشٸن قىزمەت ەتەتٸنٸنە زور سەنٸم بٸلدٸردٸ.
وسى ورايدا كەڭەس وتىرىسىن اشقان پارتييا اتقارۋشى حاتشىسى اسحات ورالوۆ سوڭعى ەكٸ ايدا قوعامدا, پارتييا قۇرىلىسىندا ٷلكەن ٶزگەرٸستەر ورىن الىپ, جاڭا قازاقستان قۇرۋ جولىنداعى ترانسفورماتسييانىڭ پارتييادان باستالعانىن ايتتى.
ول حالىقپەن كەرٸ بايلانىستى جەتٸلدٸرۋ ماقساتىندا قۇرىلىمى قايتا جاساقتالعان پارتييا جانىنداعى قوعامدىق كەڭەستەردٸڭ جۇمىسىنداعى ٶزگەرٸستەرگە توقتالدى. ونىڭ ايتۋىنشا, «AMANAT» پارتيياسى بيىل ۇلتتىق مەدەنيەت پەن ٶنەردٸ قولداۋدا بٸرنەشە ٸس-شارانى قولعا الادى. سونىڭ بٸرٸ – ايتىس.
«دەستٷرلٸ «التىن دومبىرا» اقىندار ايتىسىنان بٶلەك بيىل «بابالار اماناتى» ايتىسىن دا ۇيىمداستىرۋدى ۇسىنامىز. پارتييا ەردايىم حالىقتىڭ سٶزٸن سٶيلەيتٸن سٶز زەرگەرلەرٸن قولدايدى. بۇدان بٶلەك, بيىل ەلٸمٸز ۇلت ۇستازى احمەت بايتۇرسىنۇلىنىڭ 150 جىلدىعى, مۇحتار ەۋەزوۆتىڭ 125 جىلدىعى جەنە عابيت مٷسٸرەپوۆتٸڭ تۋعانىنا 120 جىل سەكٸلدٸ ايتۋلى داتالاردى اتاپ ٶتەدٸ. وسى مەرەيتويلاردى اتاپ ٶتۋگە پارتييا جان-جاقتى قولداۋ كٶرسەتەدٸ», - دەدٸ ا.ورالوۆ.
كەڭەس وتىرىسىندا سٶز العان مەدەنيەت جەنە سپورت مينيسترٸ دەۋرەن اباەۆ پرەزيدەنت جولداۋىندا ايتىلعان مەدەني مۇرالارىمىز بەن تاريحىمىزدى تانۋعا قاتىستى قويىلعان مٸندەتتەرگە سەيكەس, مينيسترلٸكتٸڭ قولعا العان اۋقىمدى جۇمىستارىنا توقتالدى.
«كٸتاپ شىعارۋ ٸسٸن ودان ەرٸ دامىتۋ ٷشٸن جاس قالامگەرلەردٸ قولداۋ اسا ماڭىزدى. وسى رەتتە 2023 جىلدان باستاپ جاس قازاقستاندىق جازۋشىلار مەن اقىندار ٷشٸن ارنايى پرەزيدەنتتٸك ەدەبي سىيلىق تاعايىندالادى. قازٸر تيٸستٸ مەملەكەتتٸك ورگاندارمەن جارلىق جوباسى ەزٸرلەنۋدە. وعان قوسا بيىل مينيسترلٸك «ٷزدٸك بالالار شىعارماسى», «جىلدىڭ ٷزدٸك كٸتابى», «جاس قالامگەر» اتتى كونكۋرس-جوبالاردى جٷزەگە اسىرۋدى كٶزدەپ وتىر», - دەدٸ مينيستر.
كەڭەستٸڭ جاڭا تٶراعاسى, مەجٸلٸس دەپۋتاتى امانجول ەلتاي جاڭا قۇرامداعى «Miras»-تىڭ جۇمىسىنا سەتتٸلٸك تٸلەي وتىرىپ, ازاماتتىق قوعام قالىپتاستىرۋ مەن مەدەنيەت سالالارىن دامىتۋداعى قوردالانعان مەسەلەلەردٸ بٸرٸگٸپ تالقىلاۋ, ناقتى ۇسىنىستار ايتۋ ورتاق ماقسات ەكەنٸن جەتكٸزدٸ.
«پرەزيدەنتٸمٸز ق.ك.توقاەۆتىڭ «جاڭا قازاقستان: جاڭارۋ مەن جاڭعىرۋ» اتتى قازاقستان حالقىنا جولداۋىندا ازاماتتىق قوعام ينستيتۋتتارى مەن باق ٶكٸلدەرٸنٸڭ رٶلٸن ارتتىرۋعا باسا نازار اۋدارعان بولاتىن. بٷگٸنگٸ بٸزدٸڭ تالقىلاۋ الاڭىمىز وسى تاقىرىپقا باعىتتالادى. ەلەمدٸك كەڭٸستٸكتە اقپاراتتىق شابۋىل ٶرشٸپ تۇرعان بٷگٸنگٸ كٷردەلٸ كەزەڭدە ەلٸمٸزدٸڭ اقپاراتتىق كەڭٸستٸگٸن نىعايتۋ – نەگٸزگٸ ستراتەگييالىق ماقساتىمىزدىڭ بٸرٸ. بۇل تۇرعىدا پرەزيدەنت جولداۋىندا ەسكەرتٸلگەندەي, قوعامىمىزدى ىدىراتۋ ٷشٸن سىرتتان بەرٸلەتٸن تاپسىرمالارمەن جۇمىس ٸستەۋدەن, كٶلەڭكەلٸ قالاماقى ٷشٸن ساياسي كلانداردىڭ باسقا دا توپتاردىڭ ساياساتىنا اربالىپ قالۋدان ساق بولۋىمىز كەرەك. بەسەكەگە قابٸلەتتٸ جەنە ەركٸن, مىقتى باق قالىپتاستىرۋ ٷشٸن نە ٸستەمەك كەرەك?», - دەگەن ويدى ورتاعا تاستادى.
بۇل رەتتە «قازاق مەديا قاۋىمداستىعى» زاڭدى تۇلعالار بٸرلەستٸگٸ باسقارۋ كەڭەسٸنٸڭ تٶراعاسى ەربول ازانبەك قازاقتٸلدٸ اقپارات قۇرالدارى ۇشىراساتىن تٷيٸندٸ مەسەلەلەرگە توقتالدى. ونىڭ ايتۋىنشا, بٷگٸندە قازاق تٸلٸندەگٸ سايتتاردىڭ ٸرٸ جارنامالار تاپسىرىسىنا قولى جەتپەيدٸ. قارجى تاپشىلىعىنىڭ سالدارىنان بٸلٸكتٸ مامان جالداي المايدى, سەيكەسٸنشە بٸلٸكتٸ مامانسىز ساپالى كونتەنت ٶندٸرۋ تاعى قيىندىق تۋعىزادى.
«مەملەكەت جەنە ەلەۋمەتتٸك جاۋاپكەرشٸلٸك شەڭبەرٸندە بيزنەس وسى مەسەلەگە نازار اۋدارسا. مەملەكەتتٸك تاپسىرىستان بٶلەك, تٷرلٸ تاقىرىپتاعى گرانتتىق جوبالار جاسالىپ, جەكەلەگەن جۋرناليستەر, رەداكتسييالار كونكۋرس نەگٸزٸندە گرانتتاردى ۇتىپ الۋ ارقىلى كونتەنت جاساۋ مٷمكٸندٸگٸنە يە بولار ەدٸ», - دەدٸ ە.ازانبەك.
ٶز كەزەگٸندە, اقپارات جەنە قوعامدىق دامۋ مينيسترٸ اسقار وماروۆ باق سالاسىن قۇقىقتىق رەتتەۋدٸ جەتٸلدٸرۋ, اقپارات سالاسى قىزمەتكەرلەرٸنٸڭ كەسٸبيلٸگٸن نىعايتۋ, وتاندىق باق-تىڭ بەسەكەگە قابٸلەتتٸلٸگٸن ودان ەرٸ دامىتۋ باعىتىندا قولعا الىنعان ٸستەرگە توقتالدى.
«وسى سالادا مەملەكەتتٸك رەتتەۋدٸڭ تيٸمدٸ تەتٸگٸن قۇرۋ ماقساتىندا زاڭ جوباسىن ەزٸرلەۋ جۇمىسى باستالدى. بٸز ۇسىنىستار جيناپ, ساراپشىلارمەن بٸرلەسە وتىرىپ زاڭنامانى جەتٸلدٸرۋ تەتٸكتەرٸ بويىنشا كونتسەپتسييا ەزٸرلەيمٸز. ول ٷشٸن باق, ازاماتتىق قوعام, ٷەۇ ٶكٸلدەرٸن, قوعام قايراتكەرلەرٸ جەنە باسقا دا مٷددەلٸ ۇيىمداردىڭ باسىن قوسىپ, ارنايى جۇمىس توبى قۇرىلۋدا», - دەدٸ مينيستر.
«حابار» اگەنتتٸگٸ» اكتسيونەرلٸك قوعامىنىڭ باسقارما تٶراعاسى بەرٸك ۋەلي مەملەكەت باسشىسى ق.ك.توقاەۆتىڭ «جاڭا قازاقستان: جاڭارۋ مەن جاڭعىرۋ» اتتى قازاقستان حالقىنا جولداۋىنىڭ مەنٸ دە ماڭىزى دا ايرىقشا ەكەنٸن ايتتى.
«مەملەكەت باسشىسىنىڭ جولداۋىندا ايقىندالعان رەفورمالاردى جٷزەگە اسىرۋ كەزەڭٸندە باق سالاسىنىڭ جاۋاپكەرشٸلٸگٸ, ەلەۋمەتتٸك, كەسٸبي ەلەۋەتٸ ٶتە زور بولماق. جاڭا قازاقستاندى قۇرۋ جولىندا ەلٸمٸزدٸڭ باستى ارناسى بەل شەشٸپ كٸرٸسٸپ, يدەولوگييالىق تۇرعىدا جۇمىس ٸستەيدٸ. پرەزيدەنتتٸڭ باستامالارىن بٸزدٸڭ ارنالارىمىز الداعى ۋاقىتتا دا حالىققا كەڭٸنەن ناسيحاتتاپ, جەتكٸزۋگە قاشاندا دايىن», - دەدٸ.
سونداي-اق, كەڭەستە «mecenat.kz» جوباسىنىڭ ەزٸرلەۋشٸلەرٸ قازاق قالامگەرلەرٸنٸڭ شىعارمالارىنا ارنايى بەيگە جارييالايتىنى ايتىلدى. ولار جٷزدەن جٷيرٸك شىققان جازۋشىنىڭ شىعارمالارىن جەكە كٸتاپ ەتٸپ جارييالاپ, جەڭٸمپاز شىعارمانىڭ اۆتورىنا ٶمٸرٸنٸڭ سوڭىنا دەيٸن اي سايىن 500 دوللار كٶلەمٸندە سىياقى بەرۋگە نيەتتٸ. جوبانى ەزٸرلەۋشٸ توپتىڭ مٷشەسٸ, تەلەجۋرناليست ەيگەرٸم اعىلتاەۆا ۇلتتىق ەدەبيەتتٸڭ دامۋىنا ودان ەرٸ ٷلەس قوسۋ, ەدەبيەتتە جاڭا ەسٸمدەردٸ تانىتۋ, ٷزدٸك رومانداردى وقىرمانعا ۇسىنىپ, رومان جازۋدى ٸلگەرٸلەتۋ ماقساتىندا قولعا الىنعان جوباعا Freedom Holding Gorp. ينۆەستيتسييالىق توبىنىڭ نەگٸزٸن قالاۋشى, بەلگٸلٸ قارجىگەر تيمۋر تۋرلوۆ قارجىلاي قولداۋ كٶرسەتەتٸنٸن جەتكٸزدٸ.
