ۇلتتىق دومبىرا كٷنٸ قارساڭىندا «AMANAT» پارتيياسىنىڭ جاستار قاناتى رەسپۋبليكالىق «Dombyra party» اكتسيياسىن ۇيىمداستىردى. بٷگٸندە ەلٸمٸز بويىنشا 2500-دەن استام دومبىراشى قازاق كٷيلەرٸن ورىندادى. اكتسيياعا «التىن دومبىرا» ٶنەر ورتالىعىنىڭ 200-دەن استام وقۋشىسى ەلوردا تٶرٸندە قوسىلدى, دەپ حابارلايدى "ۇلت اقپارات" پارتييانىڭ باسپاسٶز قىزمەتٸنە سٸلتەمە جاساپ.
باس قالادا ٶتكەن اكتسييادا «التىن دومبىرا» ٶنەر ورتالىعىنىڭ شەكٸرتتەرٸ «ەركە سىلقىم», «اداي», «بالبىراۋىن», «ەكە تولعاۋى» سيياقتى شىعارمالاردى ورىندادى. سونداي-اق, ٶنەر ورتالىعىنىڭ جەتەكشٸسٸ يبراگيم ەسكەندٸر جاس دومبىراشىلارمەن بٸرگە «كٶك تۋدىڭ جەلبٸرەگەنٸ» كومپوزيتسيسىن اكاپەللا تٷرٸندە ايتتى.
شارا بارىسىندا ۇيىمداستىرۋشىلار «قاسيەتتٸ دومبىرا» اتتى اۋقىمدى بايقاۋ باستاۋ الاتىنىن ايتتى.
«بۇل اكتسييا حالىق اراسىندا ۇلتتىق مەدەنيەتٸمٸزدٸڭ بٸر بٶلٸگٸ بولىپ سانالاتىن كٶنە مۋزىكالىق اسپاپتى ناسيحاتتاۋعا باعىتتالعان. دومبىرا – ۇرپاقتان-ۇرپاققا بەرٸلەتٸن, قازاق مەدەني مۇراسىنىڭ اجىراماس بٶلٸگٸ. وسى الاڭدى پايدالانا وتىرىپ, بٸز «قاسيەتتٸ دومبىرا» رەسپۋبليكالىق بايقاۋىنىڭ باستالعانى تۋرالى جارييالايمىز» - دەپ اتاپ ٶتتٸ پارتييانىڭ جاستار قاناتىنىڭ تٶراعاسى نۇرجان جەتپٸسباەۆ.
بايقاۋ 10-15 جاس ارالىعىنداعى جاسٶسپٸرٸمدەر مەن 16-35 جاس ارالىعىنداعى جاستار اراسىندا ٶتەدٸ. ول ٶتٸنٸمدەردٸ قابىلداۋ, وفلاين تىڭداۋ جەنە فينال بولىپ ٷش كەزەڭنەن تۇرادى. ٶتٸنٸمدەر 31 شٸلدەگە دەيٸن قابىلدانادى.
بايقاۋ تۋرالى تولىق اقپاراتتى جاستار ۇيىمىنىڭ ەلەۋمەتتٸك جەلٸلەردەگٸ رەسمي پاراقشالارىنان تابا الاسىزدار.
