Ulttyq dombyra kúni qarsańynda «AMANAT» partiiasynyń Jastar qanaty respýblikalyq «Dombyra party» aktsiiasyn uiymdastyrdy. Búginde elimiz boiynsha 2500-den astam dombyrashy qazaq kúilerin oryndady. Aktsiiaǵa «Altyn dombyra» óner ortalyǵynyń 200-den astam oqýshysy elorda tórinde qosyldy, dep habarlaidy "Ult aqparat" partiianyń baspasóz qyzmetine silteme jasap.
Bas qalada ótken aktsiiada «Altyn dombyra» óner ortalyǵynyń shákirtteri «Erke sylqym», «Adai», «Balbyraýyn», «Áke tolǵaýy» siiaqty shyǵarmalardy oryndady. Sondai-aq, óner ortalyǵynyń jetekshisi Ibragim Eskendir jas dombyrashylarmen birge «Kók týdyń jelbiregeni» kompozitsisyn akapella túrinde aitty.
Shara barysynda uiymdastyrýshylar «Qasietti dombyra» atty aýqymdy baiqaý bastaý alatynyn aitty.
«Bul aktsiia halyq arasynda ulttyq mádenietimizdiń bir bóligi bolyp sanalatyn kóne mýzykalyq aspapty nasihattaýǵa baǵyttalǵan. Dombyra – urpaqtan-urpaqqa beriletin, qazaq mádeni murasynyń ajyramas bóligi. Osy alańdy paidalana otyryp, biz «Qasietti dombyra» respýblikalyq baiqaýynyń bastalǵany týraly jariialaimyz» - dep atap ótti partiianyń jastar qanatynyń tóraǵasy Nurjan Jetpisbaev.
Baiqaý 10-15 jas aralyǵyndaǵy jasóspirimder men 16-35 jas aralyǵyndaǵy jastar arasynda ótedi. Ol ótinimderdi qabyldaý, oflain tyńdaý jáne final bolyp úsh kezeńnen turady. Ótinimder 31 shildege deiin qabyldanady.
Baiqaý týraly tolyq aqparatty jastar uiymynyń áleýmettik jelilerdegi resmi paraqshalarynan taba alasyzdar.
