مەدەنيەت جەنە سپورت مينيسترٸ اقتوتى رايىمقۇلوۆا جوشى جەنە الاشا حان كەسەنەسٸندە عىلىمي-رەستاۆراتسييالاۋ جۇمىستارى جٷرگٸزٸلٸپ جاتقانىن مەلٸمدەدٸ, دەپ حابارلايدى قازاقپارات.
«2019 جىلى ۇلىتاۋ جەرٸندە مەملەكەت باسشىسى قاسىم-جومارت كەمەلۇلىنىڭ قاتىسۋىمەن ٶتكەن «Jezkiik-2019» حالىقارالىق فورۋمىندا قازاق حالقى ٷشٸن ۇلىتاۋدىڭ تاريحي مەنٸن ەرەكشە اتاپ ٶتتٸ. شىڭعىس حاننىڭ ٷلكەن ۇلى – جوشىنىڭ مازارى قازاق جەرٸندە تۇرعانىن بٷگٸندە ەلٸمٸزدەگٸ جەنە شەتەلدەگٸ جۇرتشىلىقتىڭ كٶبٸ بٸلە بەرمەيدٸ. ونىڭ تاريحي تۇلعاسىنا ەلەمنٸڭ نازارىن اۋدارىپ, كەسەنەسٸن مەدەني تۋر نىسانىنا اينالدىرۋ بويىنشا مٸندەت قويدى. ۇلىتاۋ – حالىقارالىق دەڭگەيدەگٸ ەتنوگرافييالىق تۋريزمنٸڭ ورتالىعى اينالاتىنىنا سەنٸم بٸلدٸردٸ». وسى ورايدا بيىلعى جىلى «ۇلىق ۇلىستىڭ» (التىن وردا) 750 جىلدىعى اياسىندا عىلىمي-زەرتتەۋ جەنە مەدەني ٸس-شارالار, تاريحي-مەدەني مۇرا نىساندارىن قالپىنا كەلتٸرۋ, ەتنو-مەدەني, ەكوتۋريزمدٸ دامىتۋ, تۋريستەردٸڭ قولايلى بولۋى ٷشٸن جاعداي جاساۋ جەنە ۇلىتاۋعا كٶلٸكتٸك-لوگيستيكالىق ينفراقۇرىلىمىن دامىتۋ جوسپارلانىپ وتىر», - دەدٸ اقتوتى رايىمقۇلوۆا وكق الاڭى ارقىلى ونلاين رەجيمدە حالىق الدىندا ەسەپ بەرۋ كەزدەسۋٸندە.
مينيستردٸڭ ايتۋىنشا, قازٸرگٸ تاڭدا جوشى جەنە الاشا حان كەسەنەسٸندە عىلىمي-رەستاۆراتسييالاۋ جۇمىستارى جٷرگٸزٸلۋدە. ول جەردە تاريحي-مەدەني كەشەن قۇرىلادى. سونداي-اق «ۇلىتاۋ» ۆيزيت-ورتالىعىن اياقتاۋ جوسپارلانۋدا.
«ۇلىتاۋ – التىن وردانىڭ التىن بەسٸگٸنە وتاندىق جەنە شەتەلدٸك تۋريستەردٸ تارتۋ ماقساتىندا «قاسيەتتٸ ۇلىتاۋ», «حان جولى», «تەرەكتٸ ەۋليە» جەنە «قورعاسىن قۇپيياسى» جاڭا تۋريستٸك باعىتتارى ەزٸرلەندٸ. مەرەيتويدىڭ نەگٸزگٸ ٸس-شارالارى وسى جىلدىڭ قىركٷيەك ايىنا جوسپارلانىپ وتىر. تاريحي كەشەننٸڭ اشىلۋى, عىلىمي-پراكتيكالىق سەمينار, «جەزكيٸك-2020» حالىقارالىق فەستيۆالٸ سەكٸلدٸ شارالار ۇيىمداستىرىلادى», - دەدٸ اقتوتى رايىمقۇلوۆا.
