التىن وردانىڭ 750 جىلدىعىن اتاپ ٶتۋ اياسىندا پاۆلودار مەملەكەتتٸك پەداگوگيكالىق ينستيتۋىنا قاراستى تانىمال ارحەولوگ تيمۋر سماعۇلوۆ جەتەكشٸلٸك ەتەتٸن Margulan Centre ەۋليەكٶل قالاشىعىندا كەسەنەلەردٸ قالىپقا كەلتٸرۋ جۇمىستارىن جٷرگٸزەدٸ, دەپ حابارلايدى pavlodarnews.kz.
بۇل تۋرالى ٶڭٸرلٸك كوممۋنيكاتسييالار قىزمەتٸندە ٶتكەن باسپاسٶز مەسليحاتىندا وبلىستىق مەدەنيەت, تٸلدەردٸ دامىتۋ جەنە ارحيۆ ٸستەرٸ باسقارماسىنىڭ باسشىسى ەرنۇر دەۋەنوۆ مەلٸم ەتتٸ. - جوشى حان تۇسىندا التىن وردا دەۋٸرٸنٸڭ نەگٸزگٸ ورتالىعىنىڭ بٸرٸ ەرتٸس ٶڭٸرٸندە بولدى دەگەن تۇجىرىم بار, - دەيدٸ ەرنۇر دەۋەنوۆ. - ول ەۋليەكٶل جاعاسىندا ورنالاسقان جەنە سول جەردە ەرەكشە ساقتالعان قالانىڭ قالدىقتارى بار. وسىعان بايلانىستى مەدەنيەت باسقارماسىمەن 20 ملن تەڭگە قاراجات بٶلٸنٸپ وتىر. سول قالانىڭ نەگٸزگٸ بەينەسٸن قالپىنا كەلتٸرۋگە تىرىسامىز. نەتيجەسٸندە سول جەردە ەۋليە يسابەك يشاننىڭ كەسەنەسٸمەن بٸرگە تۋريستٸك ورتالىق, كيەلٸ ورىن پايدا بولادى دەگەن ويدامىز. بۇل ارحەولوگييالىق قازبا جۇمىستار بۇرىن دا جٷرگٸزٸلگەن, بٸراق بيىل عىلىمي تۇرعىدان جٷيەلٸ تٷردە قاراجاتتىڭ بٶلٸنۋٸمەن ۇيىمداستىرىلادى.
ۆەدومستۆو باسشىسىنىڭ ايتۋىنشا, ەۋليەكٶل قالاشىعىن قالپىنا كەلتٸرۋ بويىنشا قازبا جۇمىستارى ماۋسىم ايىندا باستالىپ, تامىز ايىنىڭ سوڭىنا دەيٸن جٷرگٸزٸلەدٸ. قىركٷيەكتە قورىتىندىسى شىعارىلىپ, قاراشا-قازان ايلارىندا حالىقارالىق كونفەرەنتسييا ٶتەدٸ. پاۆلودار مەملەكەتتٸك پەداگوگيكالىق ۋنيۆەرسيتەتٸمەن «قازاقستان تاريحىنداعى «ۋلۋگ ۋلۋس (التىن وردا)» ۆيدەودەرٸس دايىنداۋ, سونداي-اق «ۇلى دالا مۇراسى» جوباسى اياسىندا بٸلٸم مەكەمەلەرٸندە مۋزەيلەر اشۋ جوسپارلانىپ وتىر.
التىن وردانىڭ 750 جىلدىعىن اتاپ ٶتۋگە ارنالعان وبلىستىق جوسپار بويىنشا قالالار مەن اۋدانداردا بارلىعى 100-گە جۋىق ەرتٷرلٸ ٸس-شارا ٶتەدٸ. ونىڭ ٸشٸندە كٶرمەلەر مەن تانىمدىق ساعاتتار, سۋرەتتەر بايقاۋى بار.
ايتا كەتەرلٸگٸ, ورتا عاسىرلىق ەۋليەكٶل قالاشىعى ساياسي-مەدەني جەنە ەكٸمشٸلٸك-ەكونوميكالىق ورتالىق بولعان. حالىق اراسىندا بۇل ٶڭٸر اقكٶل-جايىلما دەگەن اتپەن بەلگٸلٸ.
