«التىن وردا» بازارىندا اۋىر سوققى الىپ, 1 ايدان كەيٸن كٶز جۇمعان 23 جاستاعى قاينار بٸلەلدٸڭ اتا-اناسى ۇلىنىڭ ٶلٸمٸنە تالعار اۋداندىق ورتالىق اۋرۋحاناسىن كٸنەلاپ وتىر, دەپ حابارلايدى Almaty.tv.
جەلٸگە تاراپ, جالپاق جۇرتتىڭ جاعاسىن ۇستاتقان بەينەجازبانى 14 ماۋسىم كٷنٸ «التىن وردا» بازارىنداعى كۋەگەرلەر تٷسٸرٸپ العان. وندا اعاتايلاپ جالىنعان جٸگٸت 2 رەت اۋىر سوققى العانى انىق كٶرٸنەدٸ. بٸراق ول كەزدە قاينار 500 مىڭنىڭ تەلەفونى ٷشٸن باقيلىق بولامىن دەپ ويلاماعان دا ەدٸ.
«كٶمەكتەسەتٸندەي ەشكٸم ەشتەڭە تٷسٸنبەي قالدى. «اعاتاي تەلەفونىمدى بەر» دەپ جالىنىپ جاتىر. ونىڭ قولىندا پىشاق بولدى عوي. قىزدار كٶمەكتەستٸ», – دەيدٸ كۋەگەر.
باسىنا تيگەن اۋىر سوققىدان اۋرۋحانادا كٶز جۇمعان جاس جٸگٸتتٸ جاقىندارى كٷنٸ كەشە اقتىق ساپارعا اتتاندىردى. تۋىستارى كٸسٸ ٶلٸمٸنە سەبەپكەر بولعان كٷدٸكتٸگە قاتاڭ جازا قولدانۋدى تالاپ ەتٸپ وتىر.
«التىن وردادا» كٷتكەن. ەكٸ جٸگٸت كەلٸپ, كٶرەمٸن دەپ ۇيالى تەلەفونىن العان. بەرمەي, ۇرعان عوي», – دەيدٸ مارقۇمنىڭ جارى شىنار دەۋلەتقىزى.
قاسكٶيدٸڭ قولىنان قازا بولدى دەگەن قايناردىڭ قارا شاڭىراعى قاڭىراپ تۇر. قورا قوپسىسىن قالابەردٸ وسى ٷيدٸڭ قارا جۇمىسىن ارقالاعان ازاماتتىڭ ارتىندا اناسى مەن جارى قالدى. مارقۇمنىڭ اناسىنىڭ ايتۋىنشا, 6 كٷن بويى اۋرۋحانادا جاتقان ۇلىنا دەر كەزٸندە دۇرىس ەم جاسالعاندا تٸرٸ قالار ەدٸ. ول «باسىنداعى ۇيىعان قاندى و باستا الىپ تاستاۋعا بولاتىن ەدٸ عوي» دەپ قىنجىلادى.
«تالعاردىڭ دەرٸگەرلەرٸنە ايتار شاعىمىم بار. بالامدى دۇرىس قارامادى. ەسٸكتٸڭ الدىنداعى يتٸڭدٸ دە سىلاپ-سيپايسىڭدار عوي, سوندا بالام يت قۇرلى بولمادى ما? ەبدەن بەس-التى كٷن بولعاننان كەيٸن ٶزگە دەرٸگەرگە جٸبەرگەن», – دەيدٸ مارقۇمنىڭ اناسى پەتٸگٷل مۇزارتبەكقىزى.
اسىراۋشىسىنان ايرىلعان انانىڭ ارىزىن ەستٸگەن اق حالاتتىلار 6 كٷندە جاعدايى قاناعاتتاندىرارلىق بولعان سوڭ, وبلىستىق اۋرۋحاناعا جٶنەلتۋدٸ جٶن سانادىق دەگەن جاۋاپ بەردٸ.
«كەلگەن كەزدە جاعدايى ورتاشا اۋىر بولدى. سول جاق بەت سٷيەكتەرٸنٸڭ سىنۋى دياگنوزىمەن جاتقىزىلعان. 14 ماۋسىمنان 20 ماۋسىمعا دەيٸن 6 كٷن وسىندا تراۆموتولوگييادا جاتىپ, جاعدايى قاناعاتتاندىرارلىق بولعاسىن كەلٸسٸلٸپ, وبلىستىق اۋرۋحانادا وتا جاساۋعا اۋىستىرىلعان», – دەيدٸ تالعار اۋداندىق ورتالىق اۋرۋحاناسى باس دەرٸگەرٸنٸڭ ەمدەۋ ٸسٸ بويىنشا ورىنباسارى باقىت جەمەكوۆ.
باقىت جەمەكوۆتىڭ ايتۋىنشا, تالعارداعى اۋرۋحانادا وتا جاساۋعا سەبەپ بولماعان.
«وتا جاساۋعا سول كەزدە كٶرسەتكٸش بولعان جوق. بٸرٸنشٸدەن مەن ونداي ەشقانداي پٸكٸر بەرە المايمىن. ونى بٸزگە بەرەتٸن قۇزىرلى ورگاندار بار, سۋد مەديتسينالىق ەكسپەرتيزا بار», – دەيدٸ تالعار اۋداندىق ورتالىق اۋرۋحاناسى باس دەرٸگەرٸنٸڭ ەمدەۋ ٸسٸ بويىنشا ورىنباسارى باقىت جەمەكوۆ.
ال اۋىر سوققىعا جىعىپ ٶلتٸردٸ دەپ كٷدٸككە ٸلٸنگەن جامبىل وبلىسىنىڭ 28 جاستاعى ازاماتى قاماۋعا الىندى. الماتى وبلىستىق پوليتسييا دەپارتامەنتٸنٸڭ دەرەگٸنشە, ول جەدەل ٸزدەستٸرۋ جۇمىستارىنىڭ نەتيجەسٸندە ۇستالعان. مارقۇمنىڭ وتباسى قۇزىرلى ورگاندار ٸستٸ ەدٸل تەرگەسە ەكەن دەيدٸ.
