الماتى قالاسىنداعى «التىن وردا» بازارىنىڭ قىزمەتٸن تەكسەرۋ بارىسىندا 1 ملرد. 600 ملن. تەڭگە كٶلەمٸندەگٸ زاڭبۇزۋشىلىق تٸركەلدٸ. بۇل تۋرالى قر ساۋدا جەنە ينتەگراتسييا مينيسترلٸگٸ ساۋدا كوميتەتٸ تٶراعاسىنىڭ ورىنباسارى ايدار ەبٸلدابەكوۆ مەلٸم ەتتٸ, دەپ حابارلايدى قازاقپارات.
«التىن وردا» - ەلٸمٸز بويىنشا عانا ەمەس, ورتالىق ازيياداعى ەڭ ٸرٸ بازارلاردىڭ بٸرٸ. اۋماعى - 28-29 گەكتار. ٶزدەرٸڭٸز بٸلەتٸندەي, مەملەكەت باسشىسىنىڭ تٸكەلەي تاپسىرماسىنا سەيكەس, باس پروكۋراتۋرا ەلٸمٸزدەگٸ ساۋدا ورىندارى مەن بازارلاردىڭ قىزمەتٸن تەكسەرۋدٸ مٸندەتتەدٸ. وسى ورايدا, بارلىق ٶڭٸردە ارنايى توپ قۇرىلدى. ونىڭ قۇرامىنا جەرگٸلٸكتٸ ەكٸمدٸك, سالىق, ساۋدا دەپارتامەنتٸ, بەسەكەلەستٸكتٸ قورعاۋ جەنە دامۋ دەپارتامەنتٸ مەن باسقا دا قۇزىرلى ورگان ٶكٸلدەرٸ كٸردٸ. وسىلايشا, «التىن وردا» بازارىنىڭ قىزمەتٸن 70 ادامنان تۇراتىن توپ تەكسەردٸ. تەكسەرۋ بارىسىندا 1 ملرد. 600 ملن. تەڭگە كٶلەمٸندەگٸ كەمشٸلٸك تابىلدى», - دەدٸ ايدار ەبٸلدابەكوۆ ورتالىق كوممۋنيكاتسييالار قىزمەتٸ الاڭىندا ٶتكەن باسپاسٶز مەسليحاتىندا.
ونىڭ ايتۋىنشا, تەكسەرۋ قورىتىندىسى ەلٸ تولىق شىقپاعان.
«ايتار بولساق, كەيبٸر نىساندار زاڭسىز سالىنعان. اتالعان بازاردى تەكسەرۋدٸڭ تولىق قورىتىندىسى بٸزگە ەلٸ كەلمەدٸ. ٶيتكەنٸ, جۇمىس اۋقىمدى. مەنٸڭ ايتىپ وتىرعانىم - العاشقى دەرەكتەر», - دەيدٸ ول.
مينيسترلٸك ٶكٸلٸ كەلتٸرگەن ستاتيستيكاعا سەيكەس, بٷگٸندە ەلٸمٸزدە 761 بازار بار, ونىڭ 515-دە ازىق-تٷلٸك ساتىلادى.
