شىعىس قازاقستانداعى سرەديگورنوە اۋىلىندا ٸز-تٷزسٸز جوعالىپ كەتكەن ەكٸ جاسار بالانى ٸزدەۋ جۇمىستارى جالعاسىپ جاتىر.
پوليتسەيلەر, قۇتقارۋشىلار, جەرگٸلٸكتٸ ورگان قىزمەتكەرلەرٸ مەن ەرٸكتٸلەر بالانى ەكٸ تەۋلٸكتەن بەرٸ ٸزدەپ جاتىر. وقيعا ورنىندا 200-گە جۋىق ادام جٷر.
"قۇتقارۋشىلار جاقىن ماڭداعى اۋماقتى تٷگەل تەكسەرۋدە: توعاي, شۇڭقىر, جەرقويما, قيراعان قۇرىلىستاردى قاراپ شىعىپ جاتىر. بالا تۇرعان ٷيدەن 20 مەتر جەردەگٸ بەرەزوۆكا ٶزەنٸ قاۋٸپ تۋدىرادى", - دەپ حابارلادى وبلىستىق تٶتەنشە جاعدايلار دەپارتامەنتٸنٸڭ باسپاسٶز قىزمەتٸ.
ٶسكەمەننەن ارنايى كينولوگييالىق قۇتقارۋشىلار توبى كەلٸپ جەتكەن. اسپاننان ٸزدەۋ جۇمىستارى كۆادراكوپتەردٸڭ كٶمەگٸمەن جٷرگٸزٸلۋدە.
"كەشە جەدەل قۇتقارۋ توبىنىڭ سٷڭگۋٸرلەرٸ ٶزەن ارناسىن ەكٸ توپپەن قاراپ شىقتى. كۆادراكوپتەرمەن بەرەزوۆكا ٶزەنٸنٸڭ اۋماعىن جوعارىدان زەرتتەپ جاتىرمىز. ٶزەن جاعالاۋىنىڭ ماڭىندا سرەديگورنوە سەلوسىنان 5 شاقىرىم جەردە موبيلدٸ توپ قۇرىلدى", - دەيدٸ قۇتقارۋشىلار.
ەسكە سالا كەتەيٸك, ەليحان ەسٸمدٸ بالا ٶز ٷيٸنٸڭ اۋلاسىنان جوعالىپ كەتكەن بولاتىن. اناسىنىڭ ايتۋىنشا, ول اۋلادا 6 جاسار ەپكەسٸمەن ويناپ جٷرەدٸ. بۇل ۋاقىتتا اناسى ٷلكەن قىزىمەن اسحانادا تاماق پٸسٸرٸپ جاتقان. ٷيگە قىزى جالعىز كٸرەدٸ, ٸنٸسٸن شاقىرىپ كەلۋگە كەتكەن ٷلكەن قىزى ونى اۋلادان تابا المايدى.
