قالا ەكٸمٸ التاي كٶلگٸنوۆ بٸر جارىم اپتا بۇرىن اشىلعان «جانۇيا» وتباسى ينستيتۋتىن قولداۋ ورتالىعىندا ازاماتتاردى قابىلدادى, دەپ حابارلايدى "ۇلت اقپارات" قالا ەكٸمٸنٸڭ باسپاسٶز قىزمەتٸنە سٸلتەمە جاساپ.
ورتالىقتا «بٸر تەرەزە» قاعيداسى بويىنشا 70-تەن استام مەملەكەتتٸك قىزمەت كٶرسەتٸلەدٸ. تۇرعىندار اەك جەنە بٸلٸم الۋ, جۇمىسقا ورنالاسۋ, ٶز ٸسٸن اشۋ, تۇرعىن ٷي باعدارلامالارىنا قاتىسۋ جەنە تاعى باسقا سۇراقتارعا جاۋاپ الا الادى.
ازاماتتاردى جەكە قابىلداۋ بارىسىندا وقۋشىلاردىڭ اتا-انالارى جالپىعا بٸردەي مٸندەتتٸ وقۋ قورى اياسىندا سەرتيفيكات الۋدىڭ ىڭعايلىلىعىن اتاپ ٶتتٸ.
«بۇل ٶتە ىڭعايلى. بۇرىن ساپاسىز جەنە كەڭ كيٸمدەر كەلەتٸن ەدٸ. قازٸر مٸنە بٸز ٶزٸمٸزگە ۇنايتىن كيٸمدٸ, باعاسى مەن ساپاسىن سالىستىرا وتىرىپ, تاڭداۋ جاساي الامىز», - دەدٸ قالا تۇرعىندارى.
كٶپتەگەن ازاماتتار تۇرعىن ٷي مەسەلەلەرٸ بويىنشا كەلگەن. قالا ەكٸمٸ ا. كٶلگٸنوۆ ەگەر جازدا كەزەكتە 46 مىڭ ادام تۇرسا, قازٸر بۇل كٶرسەتكٸش 47,5 مىڭ ادامعا دەيٸن ارتقانىن اتاپ ٶتتٸ.
«تۇرعىن ٷي مەسەلەسٸ بٸر كٷندە شەشٸلمەيدٸ. كەزەكتە 47,5 مىڭ ادام تۇر. بٸرنەشە تۇرعىن ٷي باعدارلاماسى بار. ولاردىڭ بٸرٸ - «باقىتتى وتباسى» باعدارلاماسى, نەسيە مٶلشەرلەمەسٸ 2 %-دى قۇرايدى. كەزەكتەن تىس پەتەر بەرۋگە مٷمكٸندٸگٸمٸز جوق. قۇجاتتاردى جيناۋ, كەڭەس بەرۋ, بٸلٸم بەرۋ جەنە جۇمىسقا ورنالاستىرۋ بويىنشا كٶمەكتەسەمٸز. كەلەسٸ جىلى بٸز ەلوردادا قولجەتٸمدٸ تۇرعىن ٷي قۇرىلىسىنىڭ كٶلەمٸن 3 ەسەگە ۇلعايتامىز. بٸراق كەزەكتە تۇرعانداردىڭ سانى دا ٶسٸپ كەلە جاتقانىن تٷسٸنۋ كەرەك», - دەدٸ ا. كٶلگٸنوۆ.
سونداي-اق, قابىلداۋ بارىسىندا تٶرتٸنشٸ سىنىپ وقۋشىسىنىڭ اناسى 1 قىركٷيەكتە اشىلعان №87 مەكتەپ-ليتسەيگە بالاسىن جٸبەرەتٸنٸ تۋرالى شەشٸم قابىلداندى. 9 اپتا ٸشٸندە قالا ەكٸمٸ 300-دەن استام ادامدى قابىلدادى. ٶتٸنٸشتەر بويىنشا تيٸستٸ جۇمىستار جٷرگٸزٸلۋدە.
