نۇر-سۇلتان قالاسىنىڭ ەكٸمٸ التاي كٶلگٸنوۆ قالانىڭ سول جاعالاۋىنداعى كٸشٸ تالدىكٶل جٶنٸندە قانداي شەشٸم قابىلدانعانىن ايتىپ بەردٸ, دەپ حابارلايدى قازاقپارات.
«بٸردەن ايتايىن, كٶلگە ەشكٸم تيٸسپەيدٸ. اعىن سۋ جيناعى بولسا دا, حالىق ونى كٶل دەپ اتاپ كەتكەن. تالدىكٶلدٸڭ ٶزٸندە كٶڭٸل كٶتەرۋ اۋماعى سالىنادى. ونى كٶگالداندىرىپ, حالىق سەرۋەندەيتٸن جاعداي جاسايمىز. بٸراق, سول جاعالاۋدا ٷيلەر كٶپتەپ سالىنباي تۇرعاندا, مۇندا سارقىن سۋلار جينالاتىن», - دەپ جاۋاپ بەردٸ ەكٸم ورتالىق كوممۋنيكاتسييالار قىزمەتٸندە تٸلشٸ سۇراعىنا.
ەكٸمنٸڭ ايتۋىنشا, تالدىكٶلدەگٸ سۋ كٶلەمٸ قازٸر ازايعان. بۇرىن 50 ملن تەكشە مەتر سۋ بولسا, قازٸر 8 ملن تەكشە مەتر سۋ قالعان.
«ەلوردادا قۇرىلىس كٷشەيگەندٸكتەن, سۋ كٶلەمٸ ازايعان. تاعى دا قايتالاپ ايتايىن, سۋ ايدىنىنا ەشكٸم تيٸسپەيدٸ. ال ونىڭ اينالاسىندا جوسپارلانعان قۇرىلىس جۇمىستارى جٷرٸپ جاتىر. كٶپتەگەن ٷيلەر سالىنىپ ٷلگەردٸ», - دەدٸ ا. كٶلگٸنوۆ.
