ەلوردا ەكٸمٸ التاي كٶلگٸنوۆ قالالىق ينفراقۇرىلىم پروبلەمالارىنىڭ ەرەكشەلٸكتەرٸن اتادى, دەپ حابارلايدى "ۇلت اقپارات".
«ينجەنەرلٸك جەلٸلەر ماتەريالىنا قاراي 30, 50 جىلدا توزۋ ەرەكشەلٸگٸنە يە. ال ەندٸ بٸر ماتەريالدار 10 جىلدان كەيٸن-اق جارامسىز بولىپ قالادى. بۇل جاڭارىپ وتىراتىن پروتسەسس. سوندىقتان ونى ٷنەمٸ جاڭعىرتىپ وتىرۋ قاجەت», - دەدٸ التاي كٶلگٸنوۆ ەلوردا ەكٸمدٸگٸندە ٶتكەن قوعامدىق تىڭداۋدان كەيٸن.
باق ٶكٸلدەرٸنە بەرگەن سۇحباتى بارىسىندا قالا باسشىسى مۇنداي پروبلەمابارلىق ۋاقىتتا ٶزەكتٸ بولاتىندىعىن ايتتى.
«جالپى قالالىق پروبلەمالار نەگٸزٸنەن جەردٸڭ استىندا جاتادى. قىستا تىنىش ۇيىقتاپ, جىلى جەردە ٶمٸر سٷرۋ ٷشٸن جىلۋ جەلٸلەرٸن اۋىستىرۋ قاجەت. سول سيياقتى سۋ تازا بولۋى ٷشٸن جاڭعىرتۋ جٷرگٸزٸلۋٸ تيٸس. بٸزدە جاڭا ەلدٸ مەكەندەردٸڭ پايدا بولۋىنا بايلانىستى بۇل مەسەلەلەر بارلىق ۋاقىتتا ٶزەكتٸ بولادى. بٸر مەسەلەنٸ شەشسەڭ, تاعى ەكەۋٸ پايدا بولادى. بۇل قالا ٶمٸرٸ, سوعان داعدىلانۋ كەرەك», - دەدٸ ول.
ول قالا تٶڭٸرەگٸندەگٸ تۇرعىن ٷي الابتارىنىڭ ينفراقۇرىلىمدىق پروبلەماسىن شەشۋ ٷشٸن قانشا قاراجات قاجەتتٸگٸن ايتتى.
«بۇل بارلىق مەسەلەلەردٸ ٷش جىلدىق بيۋدجەتتە قاراستىرامىز. بۇل بٸز ٷشٸن باسىمدىق. تۇرعىندار ٶزدەرٸن تولعاندىراتىن مەسەلەلەردٸ ايتا بەرسٸن. سەبەبٸ بارلىق مەسەلەنٸ بٸر مەزەتتە شەشە المايمىز. قاجەتتٸلٸكتٸ قارادىق, بٸر قاراعاندا 245 ملرد تەڭگە قاجەت. مۇنى بٸر جىلدىڭ ٸشٸندە شەشە المايمىز. بۇل بٸزدٸڭ العاشقى ەسەپتەۋٸمٸز عانا. وسىعان دەيٸن بارلىق ەلدٸ مەكەندەردٸ, تۇرعىن ٷي الابتارىن ارالاپ شىعىپ, ادامداردى تولعاندىراتىن مەسەلەلەردٸ تىڭدادىق», - دەدٸ ەلوردا باسشىسى.
