بٷگٸن قر مəدەنيەت جəنە سپورت مينيسترٸ اقتوتى رايىمقۇلوۆانىڭ تٶراعالىعىمەن الماتى تاۋ كلاستەرٸن دامىتۋ جوبالىق كەڭسەسٸندە ينۆەستورلاردىڭ قاتىسۋىمەن كەزدەسۋ ٶتتٸ, دەپ حابارلايدى "ۇلت اقپارات".
«ٷكٸمەت باسشىسى الماتىدا تاۋ كلاستەرٸ اۋماعىندا تۋريزمدٸ دامىتۋعا ەرەكشە دەن قويىپ وتىر. بۇل əلەم تۋريستەرٸنٸڭ قىزىعۋشىلىعىن ارتتىرۋعا زور مٷمكٸندٸك بەرەدٸ. سەبەبٸ, ٶڭٸردە ەكو, ەتنو, تاۋ شاڭعى تۋريزمٸ سالاسىندا ۇسىناتىن, كٶرسەتەتٸن الۋان قىزمەت تٷرٸ جەتەرلٸك.
ٶتكەن جىلى «ٸلە-الاتاۋ» ۇلتتىق تابيعي پاركٸن دامىتۋعا ارنالعان جول كارتاسىنا قول قويىلدى. نəتيجەسٸندە ينۆەستور تابىلىپ, ايۋساي شاتقالىندا ساپار ورتالىعىنىڭ قٷرىلىسى جٷرٸپ جاتىر. دəل وسىنداي جوبا «كٶلساي كٶلدەرٸ», «التىن ەمەل» ۇلتتىق تابيعي پاركٸ اۋماعىنا قىزىعۋشىلىق تانىتقان ينۆەستورلارمەن دە تالقىلاندى», - دەدٸ مينيستر.
سونىمەن قاتار اقتوتى رايىمقۇلوۆا تەز ارادا حالىقارالىق تəجٸريبەگە نازار اۋدارىپ, مەڭگەرۋدٸڭ, ەكوتۋريزم بويىنشا ساپار ورتالىعى, ەكو-قوناق ٷي, كەمپينگ, گلەمپينگ قۇرىلىسىنا قاتىستى ستاندارتتار دايىنداۋدىڭ ماڭىزدى ەكەنٸن اتاپ ٶتتٸ. تاعى مەملەكەتتٸك ۇلتتىق تابيعي پاركتەرگە كەلٸپ-كەتۋشٸلەر ەسەبٸن جٷرگٸزەتٸن əدٸستەمە دايىنداۋ كەرەگٸن ايتىپ, بيوالۋاندىقتى ساقتاۋ, تابيعاتقا, ەكولوگيياعا زييان كەرتٸرمەۋ قاجەتتٸگٸنە توقتالدى.
قر مەدەنيەت جەنە سپورت مينيسترلٸگٸنٸڭ مەلٸمەتٸنشە, باسقوسۋ بارىسىندا جوبالىق كەڭسەنٸڭ وسى ۋاقىتقا دەيٸنگٸ جۇمىسى قورىتىندىلاندى. بٸر جىل ٸشٸندە كەڭسە الماتى تاۋ كلاستەرٸن دامىتۋ بويىنشا بٸرقاتار جوبانى جٷزەگە اسىرىپ, كەلٸسسٶز جۇمىسىن جٷرگٸزٸپ, مونيتورينگپەن اينالىستى. ونىڭ ٸشٸندە ۇلتتىق پاركتەردە ەكوتۋريزمدٸ دامىتۋ, «وي-قاراعاي لەسنايا سكازكا» مەن «اق-بۇلاق» جوباسى بار.
كەڭسە شۆەيتسارييانىڭ ستاندارتىن ەسكەرە وتىرىپ, تاۋ شاتقالى جولدارىن جٷيەلەۋ بويىنشا əدٸستەمە زەرتتەلٸپ, تيٸس ۇسىنىستار دايىندالىپ جاتىر. قازٸر گيد-جول نۇسقاۋشى جəنە تسيفرلاندىرۋعا باسىمدىق بەرٸلٸپ وتىر. الداعى ۋاقىتتا «گيد-جول نۇسقاۋشى مəرتەبەسٸ», «رەيندجەر», «تاۋ تۋريزمٸ بويىنشا نۇسقاۋشى», «الپينيزم بويىنشا نۇسقاۋشى» اتتى جاڭا ۇعىمدار ەنگٸزۋ, گيد-نۇسقاۋشىلار رەەسترٸن قۇرۋ جوسپاردا بار.
تسيفرلاندىرۋ اياسىندا نىسانداردا بەينە باقىلاۋ جٷيەسٸن, تاۋلى جەردە شۇعىل شاقىرۋ تٷيمەسٸن ەنگٸزۋ قاراستىرىلعان. اتالعان جۇمىس قازاقتەلەكوم, əكٸمدٸك جəنە سەرگەك كوماندامەن بٸرگە ٸسكە اسادى. سونىمەن قوسا Kazakh Alpin Club-پەن بٸرلەسٸپ قۇتقارۋ پۋنكتتەرٸن سالۋ جوسپارلانعان.
ايتا كەتەرلٸگٸ, ٶتكەن جىلدىڭ سوڭىندا قر پرەمەر-مينيسترٸ اسقار ماميننٸڭ تاپسىرماسىمەن Kazakh Tourism كومپانيياسى, الماتى قالاسى مەن وبلىس əكٸمدٸگٸنٸڭ جانىنان الماتىدا تاۋ كلاستەرٸن دامىتۋ بويىنشا بٸرٸككەن جوبالىق كەڭسە قۇرىلعان ەدٸ. بيىل قاراشادان باستاپ بۇل باستامانى مەكەمەارالىق كەلٸسٸمگە قوسىلعان ەكولوگييا, گەولوگييا تابيعي رەسۋرستار مينيسترلٸگٸ قولداپ, əر تابيعي پاركتەن ٶكٸل تاعايىندادى.
