بٷگٸن ساعات 10.00-دەن باستاپ الماتىداعى ساۋدا,ويىن-ساۋىق ورتالىقتارى مەن بازارلاردا كوروناۆيرۋسقا قارسى ۆاكتسينا سالۋ پۋنكتەرٸ جۇمىس ٸستەي باستادى, دەپ حابارلايدى "ۇلت اقپارات".
بٷگٸن «مەسكەۋ» ساۋدا, ويىن-ساۋىق ورتالىعى جۇمىس ٸستەمەسە دە, ەگۋ پۋنكتٸ قىزمەتٸن باستادى. كٷزەت قىزمەتٸندەگٸلەر عيماراتقا تەك ۆاكتسيناتسيياعا الدىن الا جازىلعاندار مەن شاقىرىلعانداردى كٸرگٸزەدٸ. ول ٷشٸن قاۋٸپسٸزدٸك قىزمەتٸنٸڭ قىزمەتكەرٸنە ەسكەرتۋ جەتكٸلٸكتٸ.
«مەسكەۋ» سوسو ەگۋ پۋنكتٸنٸڭ جاۋاپتى كەزەكشٸسٸ گٷلدانا تٶلەشوۆا اتاپ ٶتكەندەي, مەديتسينا قىزمەتكەرلەرٸ ساعات 10.00-دەن باستاپ, ساعات 20.00-گە دەيٸن الماتىلىقتارعا ەكپە جٷرگٸزۋدٸ جالعاستىرادى. دەرٸگەرلەر الماتى قالاسىنىڭ № 16 ەمحاناسىنا تٸركەلگەن ازاماتتارعا الدىن الا قوڭىراۋ شالدى. سونداي-اق E-gov ارقىلى ۆاكتسيناتسييا الۋعا جازىلعاندار دا بار. تٶرت ساعات ٸشٸندە دەرٸگەرلەر 50-گە جۋىق ادامعا ەكپە سالدى, ۆاكتسيناتسييا قىزۋ جٷرٸپ جاتىر.
كوروناۆيرۋستان ەكپە العان ەڭ جاس ادام 18-دە بولسا, جاسى ەڭ ٷلكەنٸ – 87-دەگٸ قارت.
«ەگۋ پۋنكتٸندە 2 تەراپەۆت دەرٸگەر مەن مەدبيكەلەر جۇمىس ٸستەيدٸ. ادام سانى كٶپ ەمەس, بەتپەردە رەجيمٸ, ەلەۋمەتتٸك قاشىقتىق ساقتالعان, كەزەگٸن كٷتۋشٸلەر بٸر-بٸرٸنەن الشاق وتىرعىزىلادى. بارلىعى الدىن الا تٸركەۋدەن, سودان كەيٸن دەرٸگەردٸڭ قاراۋىنان ٶتەدٸ, سودان كەيٸن قارسى كٶرسەتٸلٸمدەر بولماسا, پاتسيەنتتٸ ەمشارا كابينەتٸنە جٸبەرەمٸز», - دەپ تٷسٸندٸردٸ گٷلدانا تٶلەشوۆا.
ايتا كەتەيٸك, الماتىلىقتار ۆاكتسيناتسيياعا سانالى تٷردە, ٶز ەركٸمەن جازىلىپ, ەمحانالاردا, سوسو بازاسىندا ورنالاسقان پۋنكتەرگە كەلۋدە.
