الماتىدا ٸرٸ ساۋدا ٷيلەرٸ مەن ويىن-ساۋىق ورتالىقتارىنا دەزينفەكتسييالىق تۋنەلدەر مەن ستاتسيونارلىق تەپلوۆيزورلار ورناتۋ ۇسىنىلدى, دەپ حابارلايدى "ۇلت اقپارات".
«بٸرٸنشٸ كەزەڭدە جالپى اۋماعى 500 شارشى مەتردەن اساتىن 138 ساۋدا نىسانى اشىلادى. بۇل – شاعىن بۋتيكتەر, سۇلۋلىق سالوندارى, حيمييالىق تازارتۋ قىزمەتٸ مەن مەيرامحانالار. ەگەر بارلىق تالاپتارعا ساي بولاتىن بولسا – 25 مامىردان باستاپ جۇمىس ٸستەۋگە رۇقسات», - دەدٸ الماتى قالاسىنىڭ باس مەملەكەتتٸك سانيتارلىق دەرٸگەرٸ جانداربەك بەكشين ونلاين-بريفينگ بارىسىندا.
ەكٸنشٸ كەزەڭدە فۋد-كورتتاردىڭ جۇمىسى قارالادى. ٷشٸنشٸ كەزەڭدە – كينوتەاترلار مەن ويىن الاڭدارىن اشۋ جوسپاردا.
«بٸز اۋدانى 2000 شارشى مەتردەن اساتىن نىساندارعا دەزينفەكتسييالىق تۋنەلدەر ورناتۋدى ۇسىنامىز. ال 20 مىڭ شارشى مەتردەن اساتىن وبەكتٸلەرگە ستاتسيونارلىق تەپلوۆيزورلار ورناتۋ قاجەت», - دەدٸ ول.
