الماتىدا شومىلۋعا رۇقسات ەتٸلگەن ورىندار بەلگٸلەندٸ, دەپ حابارلايدى "ۇلت اقپارات".
الماتى قالاسى تٶتەنشە جاعدايلار دەپارتامەنتٸ باستىعىنىڭ ورىنباسارى ەرلان ەلٸبەكوۆتىڭ ايتۋىنشا, قالا اۋماعىنان 28 شاعىن ٶزەن اعىپ ٶتەدٸ, سونىمەن قاتار قالا ٸشٸندە 26 سۋ قويماسى بار.
مەگاپوليستە شومىلۋعا رۇقسات ەتٸلگەن 4 ورىن بەلگٸلەندٸ.
ولار:
1. د. قوناەۆ اتىنداعى ٷلكەن الماتى كانالى – باۋم توعايى;
2. د. قوناەۆ اتىنداعى ٷلكەن الماتى كانالى – گٷلدەر دەمالىس ايماعى;
3. سايران كٶلٸ – تٶلە بي كٶشەسٸنەن وڭتٷستٸك باعىتتا 300 مەتر;
4. سايران كٶلٸ – تٶلە بي كٶشەسٸنەن پيرسكە دەيٸن وڭتٷستٸك باعىتتا 300 مەتر.
ونلاين بريفينگ بارىسىندا ەرلان ەلٸبەكوۆ «جابايى» جاعاجايلاردا شومىلۋ كەلەڭسٸز جاعدايلارعا ەكەلۋٸ مٷمكٸن ەكەنٸن ەسكەرتتٸ.
سونىمەن قاتار, ول اتا-انالاردان جازعى دەمالىس كەزٸندە بالالاردىڭ قاۋٸپسٸزدٸگٸنە نازار اۋدارۋدى سۇرادى.
«بيىل بٸر ادام سۋعا كەتتٸ. تەجٸريبە مەن باقىلاۋ نەتيجەسٸ كٶرسەتكەندەي, قايعىلى وقيعالار ادامداردىڭ تيٸستٸ تەرتٸپ ەرەجەلەرٸن بۇزۋىنان ورىن الۋدا. ٶتكەن جىلى جٷرگٸزٸلگەن پروفيلاكتيكالىق ٸس-شارالاردىڭ ارقاسىندا سۋدا ادام ٶلٸمٸ تٸركەلگەن جوق, الايدا سايران كٶلٸندە قۇتقارۋشىلار 4 ادامدى قۇتقاردى», - دەيدٸ ەرلان ەلٸبەكوۆ.
بيىل تٶتەنشە جاعدايلار دەپارتامەنتٸنٸڭ قىزمەتكەرلەرٸ اۋدان ەكٸمدٸكتەرٸمەن بٸرلەسٸپ شومىلۋعا تىيىم سالىنعان جەرلەردە 58 بەلگٸ ورناتتى.
ال سايران كٶلٸندە «سۋداعى قاۋٸپسٸزدٸك شارالارى مەن ەرەجەلەرٸ تۋرالى» بيلبورد ورنالاستىرىلدى.
دەپارتامەنت ٶكٸلٸ بيىلعى جازدا الماتى سۋ ايدىندارىندا قۇتقارۋشىلار, سۋدا قۇتقارۋ وتريادىنىڭ جەنە پوليتسييا قىزمەتكەرلەرٸنٸڭ, قر ۇلتتىق ۇلانىنىڭ № 5571 «وڭتٷستٸك» بٶلٸمٸنٸڭ ەسكەري قىزمەتشٸلەرٸ كٷن سايىن كەزەكشٸلٸك ەتەتٸنٸن مەلٸم ەتتٸ.
«دەمالىس كٷندەرٸ بۇل جۇمىس كٷشەيتٸلگەن رەجيمدە ٶتەدٸ. تەرتٸپ بۇزۋشىلار ەكٸمشٸلٸك جاۋاپكەرشٸلٸككە تارتىلادى. مىسالى, ٶتكەن جىلى بەلگٸلەنبەگەن ورىنداردا شومىلعانى ٷشٸن 6 ادامعا ايىپپۇل سالىندى. سوندىقتان رۇقسات ەتٸلگەن جەرلەردە عانا شومىلىڭىز, جاعالاۋدان جەنە قورشاۋ بەلگٸلەرٸنەن الىس جٷزبەڭٸز. ەگەر سٸز رۇقسات ەتٸلگەن جەردە شومىلساڭىز, بەلدەن جوعارى سۋعا كٸرمەڭٸز. بالالاردى قاراۋسىز قالدىرماڭىز. قايىقتاردان, كٶپٸرلەردەن جەنە ايلاقتاردان سۋعا سەكٸرمەڭٸز. تٷنگٸ ۋاقىتتا جەنە ماس كٷيدە شومىلماڭىزدار», - دەيدٸ الماتى تجد باسشىسىنىڭ ورىنباسارى.
ەسكە سالايىق, قۇتقارۋ قىزمەتٸنٸڭ بٸرىڭعاي تەلەفونى – 112.
