«الماتىنىڭ ەرەكشە مەرتەبەسٸ تۋرالى زاڭى» اياسىندا جاسىل جەلەكتٸ كٷتٸپ باعۋ ەرەجەلەرٸن بەكٸتۋ الماتى ەكٸمدٸگٸنٸڭ قۇزىرىنا بەرٸلدٸ, دەپ حابارلايدى قازاقپارات.
الماتى ەكٸمٸنٸڭ ورىنباسارى مۇحيت ەزٸرباەۆتىڭ ايتۋىنشا, بۇل ٶزگەرٸس قالاداعى جاسىل جەلەك قورىن ساقتاۋعا مٷمكٸندٸك بەرمەك.
«بۇل ەرەجەلەرگە ٶتەماقى رەتٸندە وتىرعىزىلاتىن جاسىل جەلەكتٸڭ ساپاسى مەن كٶلەمٸ, ونى جاڭارتۋ, سانيتارلىق كەسۋ, باعىپ كٷتۋ بويىنشا بٸرقاتار نورمالار كٸرگٸزٸلەدٸ», - دەدٸ مۇحيت ەزٸرباەۆ.
جەكە جەنە مەملەكەتتٸك كەسٸپورىندار جاسىل جەلەك وتىرعىزاتىن كەزدە قۇزىرلى ورگان ماماندارىنىڭ ۇسىنىسىن ەسكەرەتٸن بولادى.
«وسى ەرەجەلەر اعاشتاردى قايدا وتىرعىزۋ كەرەكتٸگٸنە بايلانىستى. قالانىڭ قاي ٶڭٸرٸنە قىلقانجاپىراقتى, قاي ٶڭٸرٸنە باسقا اعاشتاردى وتىرعىزۋ كەرەكتٸگٸنە وسى ەرەجەلەردە بەكٸتٸپ جازعىمىز كەلەدٸ. قالانى باققا اينالدىرۋ ٷشٸن تەرتٸپ كەرەك. جەكەلەگەن كەسٸپورىندار مەن كومپانييالار دا ويىنا كەلگەن اعاشتى وتىرعىزباي بەلگٸلٸ بٸر تەپتٸپپەن وتىرعىزۋ كەرەك», - دەدٸ ەكٸمنٸڭ ورىنباسارى.
ودان بٶلەك جاسىل ەكونوميكا سالاسىندا جاڭا تەحنولوگييالاردى ىنتالاندىرۋ ٷشٸن شارالار قولدانىلماق. جاڭا تەحنولوگييالار ۇسىنعان كومپانييالارعا سۋ رەسۋرستارىن پايدالانعانى ٷشٸن, قوقىستى شىعارعانى ٷشٸن, اتموسفەرانى ساقتاۋ ٷشٸن تٶلەنەتٸن سالىققا جەڭٸلدٸك قاراستىرىلادى.
ايتا كەتۋ كەرەك, بٷگٸن بريفينگ بارىسىندا الماتى قالاسىنىڭ ەرەكشە مەرتەبەسٸ تۋرالى زاڭنان قانداي ٶزگەرٸستەر كٷتٸلەتٸنٸ جايلى ايتىلدى.
