مەگاپوليستٸڭ ەكٸ ميلليونىنشى تۇرعىنى ايالا جامبىلدىڭ وتباسى قونىس تويىن تويلايدى. قالا كٷنٸ ولارعا الماتى قالاسىنىڭ ەكٸمٸ باقىتجان ساعىنتاەۆ جاڭا پەتەردٸڭ كٸلتٸن تاپسىردى, دەپ حابارلايدى قازاقپارات.
ايالا جامبىل 2021 جىلى 21 ماۋسىمدا دٷنيەگە كەلدٸ جەنە ۇلتتىق ستاتيستيكا بيۋروسىنىڭ مەلٸمەتٸ بويىنشا ول الماتىنىڭ ەكٸ ميلليونىنشى تۇرعىنى بولدى.
مەرەكە كٷنٸ قالا ەكٸمٸ باقىتجان ساعىنتاەۆ ايالانىڭ اتا-اناسىنا ناۋرىزباي اۋدانىنداعى «الما سيتي-5» تۇرعىن ٷي كەشەنٸندەگٸ ٷش بٶلمەلٸ جاڭا پەتەردٸڭ كٸلتٸن تاپسىردى.
قالا ەكٸمٸ وتباسىنا زور دەنساۋلىق, باقىت پەن بەرەكە تٸلەدٸ.
قالا كٷنٸ التى بالا ٶسٸپ كەلە جاتقان جامبىل وتباسى ٷشٸن قۋانىشتى كٷنگە اينالدى. جەرگٸلٸكتٸ اتقارۋشى ورگانداردىڭ قولداۋىنىڭ ارقاسىندا كٶپبالالى وتباسىنىڭ جەكە باسپانا تۋرالى ارمانى ورىندالدى.
ەكٸ ميلليونىنشى الماتىلىق ايالا جامبىل پوليتسييا قىزمەتكەرٸ بەيبٸت ەبٸلداەۆ پەن بالاباقشا تەربيەشٸسٸ ەلييا جانىبەكوۆانىڭ وتباسىندا دٷنيەگە كەلدٸ. ول وتباسىنداعى التىنشى قىز.
بۇعان دەيٸن كٶپبالالى وتباسى «قارعالى» شاعىناۋدانىندا اتا-اناسىنىڭ ٷيٸندە تۇرعان.
«انا رەتٸندە بالالارىمنىڭ تۋعان كٷندەرٸ ەڭ باقىتتى سەت بولسا, ال بٷگٸن پەتەر كٸلتٸن الۋ ەشقاشان ۇمىتىلمايتىن ەڭ باقىتتى كٷن. بٸز قالادان مۇنداي سىيلىق الامىز دەپ كٷتپەگەن ەدٸك», - دەدٸ ەلييا جانىبەكوۆا.
ايتا كەتەيٸك, الماتىدا جىل باسىنان بەرٸ كٶمەككە مۇقتاج 2 340 وتباسى جەڭٸلدەتٸلگەن نەسيە اياسىندا تۇرعىن ٷيمەن قامتاماسىز ەتٸلدٸ.
