بوستاندىق اۋدانىندا رادوستوۆەتس كٶشەسٸندەگٸ №292 ٷيدٸڭ قارسى بەتٸندە, دۋناەۆسكيي كٶشەسٸنٸڭ بويىندا ورنالاسقان جاڭا «SHUAQ» قوعامدىق كەڭٸستٸگٸن اباتتاندىرۋ جوباسى جٷزەگە اسىرىلىپ جاتىر, دەپ حابارلايدى ult.kz.
ٶڭٸرلٸك كوممۋنيكاتسييالار قىزمەتٸ ۇيىمداستىرعان باسپاسٶز تۋرىندا اۋدان ەكٸمٸنٸڭ ورىنباسارى ميراس زەينولدين جۋرناليستەرگە جوبانى تانىستىرىپ, ونىڭ ٸسكە اسىرىلۋ بارىسى تۋرالى باياندادى.
نىساننىڭ قۇرىلىسى بيىلعى 10 ماۋسىمدا باستالدى. جۇمىستاردى قىركٷيەك ايىندا اياقتاۋ جوسپارلانىپ وتىر. ايتا كەتەيٸك, جوبا جەرگٸلٸكتٸ بيۋدجەتتەن قارجى بٶلٸنبەي, تولىقتاي دەمەۋشٸلەردٸڭ قاراجاتى ەسەبٸنەن جٷزەگە اسىرىلۋدا.
«جوبانىڭ جالپى ۇزىندىعى – 550 مەتر. مۇندا زاماناۋي قوعامدىق كەڭٸستٸكتەر سالىنىپ, كەشەندٸ كٶگالداندىرۋ جۇمىستارى جٷرگٸزٸلەدٸ. ۇلتتىق ويۋ-ٶرنەك ەلەمەنتتەرٸمەن بەزەندٸرٸلگەن شاعىن سەۋلەت نىساندارى, اۆتوماتتى سۋارۋ جٷيەسٸ, سىرتقى جارىقتاندىرۋ جەنە تۇرعىنداردىڭ دەمالۋىنا ارنالعان ورىندار ورناتىلادى», – دەدٸ ميراس زەينولدين.
جوبا اۋماقتى كەشەندٸ اباتتاندىرۋدى كٶزدەيدٸ. مۇندا گرانيت, رەزەڭكە جەنە اسفالتبەتون جابىندىسى تٶسەلگەن جاياۋ جٷرگٸنشٸلەر جولدارى مەن قوعامدىق كەڭٸستٸكتەر سالىنىپ, اۋقىمدى كٶگالداندىرۋ جۇمىستارى جٷرگٸزٸلەدٸ. سونىمەن قاتار, زاماناۋي شاعىن سەۋلەت نىساندارى, باستىرمالار, سىرتقى جارىقتاندىرۋ جٷيەسٸ, بالالار ويىن جەنە سپورت الاڭدارى, سونداي-اق سۋبۇرقاق ورناتىلادى. جوبا اياسىندا شامامەن 4 مىڭ شارشى مەتر اۋماقتى كٶگالداندىرۋ جوسپارلانعان.
اۋدان ەكٸمٸ ورىنباسارىنىڭ ايتۋىنشا, بۇعان دەيٸن بۇل اۋماق قاراۋسىز قالىپ, تۇرعىندار ٷشٸن قولايسىز ەرٸ قاۋٸپسٸزدٸگٸ تٶمەن جەر بولعان. اباتتاندىرۋ جۇمىستارى اياقتالعاننان كەيٸن مۇندا سەرۋەندەۋگە, سپورتپەن اينالىسۋعا جەنە وتباسىلىق دەمالىسقا ارنالعان زاماناۋي قوعامدىق كەڭٸستٸك پايدا بولادى.
«بيىل اۋدان ەكٸمدٸگٸ بيزنەستٸڭ ەلەۋمەتتٸك جاۋاپكەرشٸلٸگٸ اياسىندا 20 اباتتاندىرۋ جوباسىن جٷزەگە اسىرۋدى جوسپارلاپ وتىر. بۇل بۇرىن پايدالانىلماي كەلگەن قالالىق اۋماقتاردى رەتكە كەلتٸرٸپ, تۇرعىندار ٷشٸن جاڭا جايلى قوعامدىق كەڭٸستٸكتەر قالىپتاستىرۋعا مٷمكٸندٸك بەرەدٸ», – دەپ اتاپ ٶتتٸ ميراس زەينولدين.
قازٸرگٸ ۋاقىتتا نىساندا بەكٸتٸلگەن ەسكيزدٸك جوباعا سەيكەس قۇرىلىس-مونتاج جۇمىستارى جٷرگٸزٸلۋدە. قۇرىلىس اياقتالعاننان كەيٸن جاڭا قوعامدىق كەڭٸستٸك اۋدان تۇرعىندارىنىڭ دەمالىسىنا, سەرۋەندەۋٸنە, سپورتپەن شۇعىلدانۋىنا جەنە وتباسىلىق ۋاقىت ٶتكٸزۋٸنە ارنالعان زاماناۋي ەرٸ تارتىمدى ورىنعا اينالادى.
