2020 جىلدىڭ 30 سەۋٸرٸنە دەيٸن مەديتسينالىق ساقتاندىرۋ قورىنا 319 ملرد تەڭگەگە جۋىق قارجى جيناقتالدى. بۇل تۋرالى «ەلەۋمەتتٸك مەديتسينالىق ساقتاندىرۋ قورى» كەاق الماتى قالالىق فيليالى مەلٸم ەتتٸ, دەپ حابارلايدى "ۇلت اقپارات".
«الماتى قالاسى رەسپۋبليكا بويىنشا جارنالار مەن اۋدارىمداردىڭ كٶلەمٸ جاعىنان كٶش باستاپ تۇر – جيناقتالعان سومانىڭ بەستەن بٸر بٶلٸگٸ بۇرىنعىشا, وڭتٷستٸك استانانىڭ ەنشٸسٸندە. جالپى, ساقتاندىرۋ جٷيەسٸ ٸسكە قوسىلعان 2017 جىلدىڭ 1 شٸلدەسٸنەن 2020 جىلدىڭ 30 سەۋٸرٸنە دەيٸنگٸ ارالىقتا الماتى قالاسىنان قورعا 63 ملرد تەڭگەدەن استام جارنا اۋدارىلدى. ونىڭ 56,7 ملرد تەڭگەسٸ – جۇمىس بەرۋشٸلەردٸڭ قاراماعىنداعى جۇمىسكەرلەر ٷشٸن جاساعان اۋدارىمدارى, قالعان 6,6 ملرد تەڭگە – جەكە كەسٸپكەرلەر مەن ازاماتتىق-قۇقىقتىق كەلٸسٸمشارت بويىنتسشا ەڭبەك ەتەتٸندەرگە تيەسٸلٸ», - دەدٸ فيليال ديرەكتورىنىڭ ورىنباسارى جانار كەنجەباەۆا.
سونداي-اق, جىل باسىنان بەرٸ ٶزٸن-ٶزٸ جۇمىسپەن قامتىعان 165 مىڭعا جۋىق ادام 210 ملن تەڭگە كٶلەمٸندە بٸرىڭعاي جيىنتىق تٶلەم (بجت) تٶلەگەن.
ەستەرٸڭٸزگە سالا كەتسەك, بٸرىڭعاي جيىنتىق تٶلەم 2019 جىلدىڭ 1 قاڭتارىنان باستاپ ەنگٸزٸلگەن بولاتىن. جيىنتىق تٶلەمنٸڭ ٸشٸندە ٶزگە ەلەۋمەتتٸك تٶلەمدەرگە قوسا ساقتاندىرۋ جارناسى دا بار. ول جالپى سومانىڭ 40 پايىزىن قۇرايدى.
بجت – رەسپۋبليكالىق ماڭىزى بار قالالار ٷشٸن 1 ايلىق ەسەپتٸك كٶرسەتكٸش (اەك) نەمەسە 2651 تەڭگە, اۋىلدىق جەرلەر ٷشٸن – 0,5 اەك نەمەسە 1326 تەڭگە كٶلەمٸندە بەلگٸلەنگەن. تٶلەمنٸڭ بۇل تٷرٸن فريلانسەرلەر, سانتەحنيكتەر, قۇرىلىسشىلار, تاكسي جٷرگٸزۋشٸلەرٸ ت.ب. تٶلەي الادى.
