ەل-فارابي داڭعىلىنداعى تۇڭعىش پرەزيدەنت ساياباعى اۋماعىندا جايىلىپ جٷرگەن بٸر ٷيٸر جىلقى الماتىلىقتاردى اشۋلاندىردى, - دەپ حابارلايدى Tengrinews.kz اگەنتتٸگٸ.
ناۋرىزباي اۋدانىندا ورنالاسقان "حان-تەنگري" تۇرعىن ٷي كەشەنٸنٸڭ تۇرعىندارى جاعدايعا نازار اۋدارۋدى سۇرايدى. قالا تۇرعىندارىنىڭ ايتۋىنشا, جىلقىلار وندا كٷن سايىن جٷرەدٸ.
"قارعالى ىقشاماۋدانىندا اتتار كٷن سايىن جٷرەدٸ: "حان تەنگري" تۇرعىن ٷي كەشەنٸنەن پرەزيدەنتتٸك ساياباققا دەيٸن. نەگە بۇلاي? مەگاپوليستە, قالا ماڭىندا ەمەس, قالانىڭ حالىق تىعىز ورنالاسقان بٶلٸگٸندە. وعان قوسا, بۇل ماڭدا مەكتەپتەر دە ورنالاسقان. اپاتتىق جاعداي تۋعىزادى. بۇل باسقالارعا قاۋٸپ تٶندٸرەدٸ. شۇعىل شارا قولدانۋ كەرەك", - دەدٸ "حان تەنگري" تۇرعىندارىنىڭ بٸرٸ.
جەرگٸلٸكتٸ تۇرعىندار پوليتسەيلەر مال يەسٸمەن سٶيلەسكەنٸن ايتادى. الايدا الماتىلىقتار نەتيجە كٶرمەي وتىر.
قالالىق پوليتسييا دەپارتامەنتٸ جىلقىلاردىڭ يەسٸ بۇعان دەيٸن دە بٸرنەشە رەت ەكٸمشٸلٸك جاۋاپكەرشٸلٸككە تارتىلعانىن راستادى. ول بۇل جولى دا جازادان قۇتىلماعان.
"وسى فاكت بويىنشا جانۋارلاردىڭ يەسٸ ەقبتك-نٸڭ 505-بابى 2-بٶلٸگٸ بويىنشا ەكٸمشٸلٸك جاۋاپكەرشٸلٸككە تارتىلدى. ناۋرىزباي اۋدانىنىڭ پوليتسييا باسقارماسى بۇدان بىلاي بۇعان جول بەرمەۋ تۋرالى ەڭگٸمە جٷرگٸزدٸ", - دەدٸ ۆەدومستۆونىڭ باسپاسٶز قىزمەتٸ ٶكٸلدەرٸ.
