قازاقستاندا حالىقتى ەمحاناعا تٸركەۋ ناۋقانى باستالادى. جىل سايىن ٶتكٸزٸلەتٸن دەستٷرلٸ شارا بيىل 15-قىركٷيەكتەن 15-قاراشاعا دەيٸن ٶتەدٸ. بۇل تۋرالى «ەلەۋمەتتٸك مەديتسينالىق ساقتاندىرۋ قورى» كوممەرتسييالىق ەمەس اكتسيونەرلٸك قوعامى الماتى قالالىق فيليالىنىڭ ديرەكتورى تٸلەۋحان ەبٸلداەۆ ايتتى, دەپ حابارلايدى قازاقپارات.
سپيكەردٸڭ سٶزٸنشە, وسى جولى الماتىلىقتار 73 باستاپقى مەديتسينالىق-سانيتارلىق كٶمەك ۇيىمىنا تٸركەلۋگە مٷمكٸندٸك الماق. ونىڭ ٸشٸندە 40 ەمحانا مەملەكەتتٸك, 33-ٸ – جەكەمەنشٸك كلينيكالار.
«تٸركەۋ ناۋقانى كەزٸندە ازاماتتار ٶزٸ تۇراتىن اۋماق شەڭبەرٸندەگٸ مەملەكەتتٸك قانا ەمەس, جەكەمەنشٸك كلينيكالارعا دا تٸركەلە الادى. ول ٷشٸن ەمحانا مەديتسينالىق ساقتاندىرۋ قورىنىڭ جەتكٸزۋشٸلەر تٸزٸمٸندە بولۋعا تيٸس», – دەيدٸ ول.
ايتا كەتەيٸك, بيىلعى ناۋقان بارىسىندا ەمحانا اۋىستىرعان ازاماتتار ٶزٸ تاڭداعان ەمدەۋ مەكەمەسٸنٸڭ قىزمەتٸن 2022 جىلدان باستاپ پايدالانا الادى. جالپى, ەمحانا اۋىستىرۋ مٸندەتتٸ ەمەس. بۇرىنعى ەمحانا قىزمەتٸنە كٶڭٸلٸ تولاتىن ازاماتتار ەرٸ قاراي دا بۇرىنعى كلينيكانىڭ قىزمەتٸن پايدالانا بەرسە بولادى.
ەمحانا ٶزٸ قىزمەت كٶرسەتەتٸن ايماقتان تىس جەردە تۇراتىن ازاماتتاردى, سونداي-اق, باستاپقى مەديتسينالىق-سانيتارلىق كٶمەك كٶرسەتەتٸن مەكەمە جٷكتەمەسٸ شەكتەن اسىپ كەتكەن جاعدايدا تٸركەۋدەن باس تارتۋى مٷمكٸن. قولدانىستاعى نورماتيۆتەرگە سەيكەس, ۋچاسكەدەگٸ جالپى پراكتيكا دەرٸگەرٸنە تٸركەلگەندەر سانى 1 700-دەن اسپاۋعا تيٸس.
سونىمەن بٸرگە بيىل تٸركەۋ تەرتٸبٸنە بٸرقاتار ٶزگەرٸس ەنگٸزٸلدٸ. بۇدان بىلاي ەۋرازييالىق ەكونوميكالىق وداققا مٷشە مەملەكەتتەردەن كەلگەن ەڭبەك ميگرانتتارى ەمحاناعا تٸركەلۋ ٷشٸن ەرٸكتٸ مەديتسينالىق ساقتاندىرۋ پوليسٸن ساتىپ الۋعا تيٸس. ولار تٸركەلۋ ٷشٸن ەمحانانىڭ تٸركەۋ بٶلٸمٸنە بارىپ ٶتٸنٸش جازادى.
تٸركەۋ ناۋقانىنا قوردىڭ مەلٸمەتتەر بازاسىنا ەنگەن ەمدەۋ مەكەمەلەرٸ عانا قاتىسادى. ولاردىڭ تولىق تٸزٸمٸمەن www.fms.kz رەسمي سايتى ارقىلى تانىسۋعا بولادى.
