الماتىلىق ۋچاسكەلٸك پوليتسييا ينسپەكتورى كٶپتٸڭ اراسىنان ەرٸپتەسٸن الىپ شىعۋعا قالاي كٶمەكتەسكەنٸن ايتىپ بەردٸ, دەپ حابارلايدى قازاقپارات.
بۇل – مەدەۋ اۋداندىق پوليتسييا باسقارماسى ۋپپ-79 بٶلٸمٸنٸڭ اعا ۋچاسكەلٸك ينسپەكتورى ەرنار ەيتەنوۆ.
ول 5 قاڭتار كٷنٸ كٷندٸز بولعان تەرتٸپسٸزدٸك تۋرالى ەگجەي-تەگجەيلٸ ايتىپ بەردٸ
ولار تاڭەرتەڭ مەدەۋ اۋداندىق پوليتسييا باسقارماسى باسشىلىعىنىڭ نۇسقاۋىمەن قوعامدىق تەرتٸپ پەن قاۋٸپسٸزدٸكتٸ قامتاماسىز ەتۋ ماقساتىندا تٶلە بي مەن بايتۇرسىنوۆ كٶشەلەرٸنٸڭ قيىلىسىنا جٶنەلتٸلگەن.
«شەرۋشٸلەرمەن قييان-كەسكٸ قاقتىعىس كەزٸندە كٷشتەر سەيفۋللين كٶشەسٸنە ىعىستىرىلدى. بٶگەنباي باتىر مەن سەيفۋللين كٶشەلەرٸنٸڭ قيىلىسىندا پوليتسييا قىزمەتكەرٸن ۇستاپ العان اگرەسسيۆتٸ ەر ادامداردى بايقادىم. ونىڭ ٷشەۋٸ تۇتقىنعا الىنعان پوليتسييا قىزمەتكەرٸن قيىلىستىڭ ورتاسىنا اپارىپ, تٸزەرلەتٸپ وتىرعىزىپ قويىپ, قورقىتۋ ماقساتىندا قاتتى ۇرا باستادى. بۇل ەرەكەتتەردٸ كٶرگەندە شوشىپ كەتتٸم, تٸپتٸ, ازداپ ەسەڭگٸرەپ قالدىم. الايدا, ويىمدى تەز جيناقتاپ, ەرٸپتەسٸمە كٶمەكتەسۋگە ۇمتىلدىم. مەن ولاردى تاراتۋ ٷشٸن تٸكە جينالعانداردىڭ اراسىنا قاراي جٷگٸردٸم. ارتىمنان جٷگٸرٸپ كەلە جاتقان جولداستارىم, ۇستالعان قىزمەتكەردٸ قالقانمەن جاۋىپ, الىپ شىقتى», – دەيدٸ ەيتەنوۆ.
ونىڭ ايتۋىنشا, قۇتقارىلعان ەرٸپتەسٸمەن بۇرىن تانىس بولماعان. قولعا تٷسكەن پوليتسەي اۋىر جاراقات العان جەنە قازٸر ەمدەلٸپ جاتىر.
«مەن بۇرىن-سوڭدى مۇنداي قاتىگەزدٸكتٸ كٶرگەن ەمەسپٸن, ادامداردىڭ مۇنداي ەرەكەتٸ مەنٸڭ كٶڭٸلٸمدٸ قالدىردى, بٸراق ەسكەري مٸندەت پەن انت بەرٸنەن جوعارى. بارلىعى مەن سيياقتى ەرەكەت ەتەتٸنٸنە سەنٸمدٸمٸن», – دەپ تٷيٸندەدٸ قۇقىق قورعاۋ ورگانىنىڭ قىزمەتكەرٸ.
ەرنار ەيتەنوۆ – ٸٸم الماتى اكادەميياسىنىڭ تٷلەگٸ. قازٸر ول 15 مىڭ تۇرعىنى بار «سامال» ىقشاماۋدانىندا تەرتٸپتٸ كٷزەتەدٸ.
ينسپەكتور بۇل قيىن-قىستاۋ كٷندەرٸ اتا-اناسىنىڭ ول ٷشٸن قاتتى الاڭداعانىن ايتتى. سونداي-اق, ەرنار – وتباسىنداعى جالعىز بالا.
