الماتىدا ەكٸ اۆتوبۋس سوقتىعىسۋى سالدارىنان قازا تاپقان ەر ادام تۋرالى تىڭ مەلٸمەتتەر انىقتالدى, - دەپ حابارلايدى Massaget.kz.
قازا بولعان ادام № 98 اۆتوبۋستا تاعىلىمدامادان ٶتكەن بولىپ شىقتى. ول سوقتىعىسقان كەزدە اۆتوبۋس تەرەزەسٸنەن قۇلاپ كەتكەن دەپ بولجانىپ وتىر.
"جول اپاتى كەزٸندە №98 اۆتوبۋستا تاعىلىمدامادان ٶتۋشٸ بولعان. ول جۇمىسقا ەندٸ كٸرگەن. تەرگەۋ مٷددەسٸنە بايلانىستى ەشتەڭەنٸ اشا المايمىز. مارقۇم بٸزدە تاعىلىمدامادان ٶتۋشٸ بولعانى تۋىستارى ٸزدەپ, قوڭىراۋ شالا باستاعاندا بەلگٸلٸ بولدى", - دەدٸ City-Bus جشس ديرەكتورى ەگور جيگلوۆ.
كومپانييا ٶكٸلٸ ول سول كٷنٸ اۆتوپارككە كەلمەگەنٸن ايتتى. اۆتوپارك مەلٸمەتٸنشە, بارلىق اقپارات ٸشكٸ تەرگەۋدەن كەيٸن بەرٸلگەن.
"بٸزدٸڭ بٸلۋٸمٸزشە, ول 8 قاراشادا 98-باعىتتاعى اۆتوبۋسپەن "كٶلٸك حولدينگٸنە" قۇجاتتار الۋعا بارا جاتقان", - دەدٸ اۆتوپارك ٶكٸلٸ.
ايتا كەتەيٸك, بۇعان دەيٸن مارقۇمنىڭ جاياۋ جٷرگٸنشٸ ەكەنٸ ايتىلعان ەدٸ.
