قازٸرگٸ ۋاقىتتا قالا تولىعىمەن كٷشتٸك قۇرىلىمدارىنىڭ باقىلاۋىندا. جاعداي تۇراقتالدى. بۇل تۋرالى الماتى قالالىق پوليتسييا دەپارتامەنتٸنٸڭ باسشىسى قانات تايمەردەنوۆ ايتتى, دەپ حابارلايدى قازاقپارات.
قانات تايمەردەنوۆتىڭ ايتۋىنشا, شاھاردا تٶتەنشە جاعداي رەجيمٸ اياقتالسا دا لاڭكەستٸككە قارسى ٸس-شارا ەلٸ دە جالعاسىپ جاتىر.
«قازٸر بٸز تۇرعىندارعا قارۋدى ٶز ەركٸمەن تاپسىرۋ كەرەكتٸگٸن ايتىپ جاتىرمىز. تاپسىرعانداردى, ەرينە, قانداي دا بٸر قىلمىسقا قاتىسپاسا, جاۋاپقا تارتپايمىز. جەدەل ٸس-شارا كەزٸندە قارۋى تەركٸلەنگەندەر, قولدانىستاعى زاڭناماعا سەيكەس ەڭ اۋىر قىلمىستىق جاۋاپقا تارتىلادى. قارۋ ۇرلاۋعا قاتىسقانداردى ٸزدەستٸرۋ ٷشٸن ارنايى جەدەل-ٸزدەستٸرۋ توبى قۇرىلىپ, جەكە قۇرامنىڭ بارلىعى وسىعان باعىتتالدى. مينيسترلٸك بۇل مەسەلەنٸ ەرەكشە باقىلاۋدا ۇستاپ وتىر», – دەيدٸ قانات تايمەردەنوۆ.
سونىمەن قاتار ول پوليتسييا دەپارتامەنتٸنە كەيبٸر پوليتسييا قىزمەتكەرلەرٸنٸڭ زاڭسىز ەرەكەتتەرٸ مەن ٶكٸلەتتٸگٸن اسىرا پايدالانعانى تۋرالى ازاماتتاردان ارىز-شاعىمدار تٷسٸپ جاتقانىن اتاپ ٶتتٸ.
«ولاردىڭ ەرقايسىسى فورماليزمگە جول بەرمەي, مۇقييات تەكسەرٸلەدٸ. بۇل مينيستردٸڭ جەنە بٸزدٸڭ قىزمەتكەرلەرگە قوياتىن تالابىمىز – زاڭدىلىقتى قاتاڭ ساقتاۋ. قازٸرگٸ ۋاقىتتا باسقاشا ەرەكەت ەتۋدٸڭ جولى جوق. سونىمەن قاتار, ادامدار بٸر ۋاقىتتا ەلٸمٸزدە تىنىشتىقتى جوعالتىپ الۋىمىز مٷمكٸن بولعانىن تٷسٸنۋٸ كەرەك. مۇنى كٶبٸ تٷسٸنەدٸ دە. ٶيتكەنٸ سول كٷندەردٸڭ ٶزٸندە توپ-توپ بولىپ جينالىپ, تالاي نىساندى توناۋشىلاردان قورعاي بٸلگەن بەيبٸت تۇرعىندار بار. ياعني, ازاماتتىق قوعام دا بۇل كٷندەرٸ ٷلكەن قولداۋ كٶرسەتتٸ. ادامدار كەلٸپ, قىزمەتكەرلەرٸمٸزدٸ تاماقتاندىردى, كٶپتەگەن مەسەلەلەر بويىنشا, سونىڭ ٸشٸندە قازا تاپقانداردىڭ وتباسىلارىنا كٶمەكتەسۋگە دايىن بولدى. راسىندا, وسى كٷندەرٸ بٸز مىقتى قولداۋدى سەزٸندٸك», – دەيدٸ الماتىنىڭ باس پوليتسەيٸ.
سٶز سوڭىندا قانات تايمەردەنوۆ الماتىداعى جاعداي تۇراقتالىپ كەلە جاتقانىن تٸلگە تيەك ەتتٸ.
«قازٸرگٸ ۋاقىتتا قالا تولىعىمەن كٷشتٸك قۇرىلىمدارىنىڭ باقىلاۋىندا. جاعداي تۇراقتالىپ كەلەدٸ», - دەدٸ ول.
