الماتىدا ٶتٸپ جاتقان ۇستازداردىڭ تامىز كەڭەسٸ بارىسىندا ٷزدٸك بٸلٸم بەرۋ ۇيىمى انىقتالدى, دەپ حابارلايدى قازاقپارات.
مۇقاعالي ماقاتاەۆ اتىنداعى دارىندى بالالارعا ارنالعان №140 مەكتەپ گيمنازيياسى «ەڭ ٷزدٸك ورتا بٸلٸم بەرۋ مەكەمەسٸ» دەپ تانىلىپ, ۇجىم 34 ميلليون تەڭگە كٶلەمٸندەگٸ ەكٸم گرانتىن يەلەندٸ.اتالعان قارجى مەكتەپتٸ ماتەريالدى-تەحنيكالىق جابدىقتاۋعا جۇمسالماق.
سونىمەن قاتار «ەڭ ٷزدٸك مەكتەپ كٸتاپحاناسى» بايقاۋى بويىنشا قالالىق №34 گيمنازييا ۇجىمى جەڭٸمپاز اتاندى. مەكتەپ ديرەكتورىنا ەكٸ ملن تەڭگەنٸن سەرتيفيكاتى تابىستالدى.
جاڭا وقۋ جىلى مەن تەۋەلسٸزدٸكتٸڭ 30 جىلدىعىنا وراي قالا ەكٸمٸ ٷزدٸك ۇستازدار مەن ۇيىمداردى سالتاناتتى تٷردە ماراپاتتادى.
بٸرقاتار مۇعالٸمگە «ەلٸمٸزدٸڭ بٸلٸم بەرۋدەگٸ قۇرمەتتٸ جۇمىسشىسى», «ىبىراي التىنسارين» تٶسبەلگٸسٸ جەنە قالا ەكٸمٸنٸڭ «ەڭبەگٸ ٷشٸن» مەدالٸ تابىستالىپ, العىس حاتتار بەرٸلدٸ.
