ەركٸن ٶتەپوۆ - اپاتتان امان قالعان جولاۋشىلاردىڭ بٸرٸ. ول نۇر-سۇلتان قالاسىنا ٸس ساپارمەن ۇشپاقشى بولعان ەكەن. تەك سوڭعى سەتتە ۇشاقتىڭ ارتقى بٶلٸگٸنە وتىرۋىنىڭ ارقاسىندا عانا امان قالعان, دەپ حابارلايدى Almaty.tv.
نەگٸزٸ, ساتىپ العان ورنى - قازا تاپقانداردىڭ قاتارىندا ەكەن. ونىڭ ايتۋى بويىنشا, سالونى سۋىق ەۋە كەمەسٸ سوققى العاننان كەيٸن, بٸردەن تٶمەن قاراي قۇلديلاي باستاعان.
الدىن الا سۋىق حاباردى ەسكەرتكەندەي, ۇشاقتىڭ ٸشٸ سالقىن بولعانىن باسقا دا جولاۋشىلار بايقاعان. ٶزٸنٸڭ 9 ايلىق بالاسى مەن جارىن الىپ, نۇر-سۇلتانعا بەتتەگەن ماقسۇت عاتيات جاڭا جىلدى اتا-اناسىمەن قارسى الىپ, نەمەرەلەرٸن العاش كٶرسەتۋگە اسىققان ەكەن. ۇشاق قوزعالعان سەتتەن باستاپ, جولاۋشى جارى مەن بالاسىن قولىنان جٸبەرمەگەنٸن ايتادى.
اتاپ ٶتسەك, قايعىلى وقيعا 27 جەلتوقسان تاڭەرتەڭ بولدى. Bek Air ەۋە كومپانيياسىنىڭ "الماتى – نۇر-سۇلتان" باعىتىنداعى Fokker 100 ۇشاعى الماتى ماڭىنا قۇلادى.
ۇشاقتا 93 جولاۋشى مەن 5 ەكيپاج مٷشەسٸ بولعان. اپات 12 ادامنىڭ ٶمٸرٸن قيدى, قازا بولعانداردىڭ ٸشٸندە ۇشاق كومانديرٸ بار. ەكٸنشٸ ۇشقىش قازٸر اۋرۋحانادا جانساقتاۋ بٶلٸمٸندە جاتىر.
پرەزيدەنت تاپسىرماسىمەن پرەمەر-مينيستر جەتەكشٸلٸك ەتەتٸن كوميسسييا قۇرىلدى. توقاەۆ اپاتتىڭ سەبەبٸن انىقتاپ, كٸنەلٸلەردٸ قاتاڭ جازالاۋدى تاپسىردى. 28 جەلتوقسان ەلٸمٸزدە جالپىۇلتتىق ازا تۇتۋ كٷنٸ بولىپ جارييالاندى.
