مارقۇمنىڭ اناسى مەن ەپكەسٸ /©ەك/جانسايا تەۋەكەلقىزى
الماتىدا توعىزىنشى قاباتتان ٷش بالاسىمەن سەكٸرگەن ەيەلدٸڭ ەپكەسٸ مارقۇمنىڭ كٶز جۇمار الدىندا جازعان حاتىنىڭ ەكٸنشٸ بٶلٸگٸ تۋرالى ايتىپ بەردٸ, دەپ حابارلادى Sputnik قازاقستان اگەنتتٸگٸ "ەكسپرەسس ك" سايتىنا سٸلتەمە جاساپ.
"بۇل ٶمٸردٸڭ مەنٸ جوق. ٶمٸر سٷرگٸم كەلمەيدٸ. مەنٸ كەشٸرٸڭدەر. كٸنەلٸلەر ٶزٸ بٸلەدٸ" دەپ جازدى ول. مەنٸڭ ويىمشا مۇنداعى كٸنەلٸلەر كٷيەۋٸ مەن ونىڭ تۋىستارى. ٶيتكەنٸ باقىتگٷل تاعى بٸر ەيەلدٸڭ بارى تۋرالى بٸلدٸ. حاتتىڭ ەكٸنشٸ بەتٸنە ول ٷلكەن كەمپٸرقوساقتىڭ سۋرەتٸن سالىپ, مەنٸڭ تەلەفون نٶمٸرٸمدٸ ٷش رەت جازعان. "بۇل جاعداي تۋرالى ەپكەمە ايتىڭىزدار. مەن ونى جاقسى كٶرەمٸن. تەك ەپكەم عانا ماعان مەيٸرٸمدٸ" دەپ جازىپ كەتٸپتٸ ول", - دەيدٸ باقىتگٷلدٸڭ ەپكەسٸ.
جانار قىدىرباەۆانىڭ ايتۋىنشا, سٸڭلٸسٸنٸڭ ٶلٸمٸنەن كەيٸن ونىڭ كٷيەۋٸ قوڭىراۋ شالىپ, پوليتسيياعا ەشتەڭە ايتپاۋدى ٶتٸنگەن.
"شىن مەنٸندە باقىتگٷل وتباسىلىق پروبلەمالارى تۋرالى ەشكٸمگە تٸس جارعان ەمەس. ول كٷيەۋٸنە جالا دا جاقپادى. تامىز ايىندا ماعان قوڭىراۋ شالىپ, كٷيەۋٸ كٶزٸنە شٶپ سالىپ جٷرگەنٸن ايتتى. ول ەيەلدٸڭ ەسٸمٸ - ەلۆيرا. ارالارىندا جانجال شىققان. كٷيەۋٸ وعان سول ەيەلدەن تەك اقشا كەرەكتٸگٸن, وتباسى مەن بالالارى بەرٸنەن قىمبات ەكەنٸن ايتقان. بارلىعى جاقسى بولاتىنىنا ۋەدە بەرگەن. باقىتگٷلدٸڭ ٶزٸن جەنە بالالارىن ٶلتٸرۋ تۋرالى ويى بولماعان. بٸزدٸڭ ويىمىزشا وعان كٷيەۋٸ سەبەپكەر بولدى. ول قىزعانىش پەن ٶكپەدەن ٶزٸنە قول سالدى", - دەيدٸ جانار.
ونىڭ ايتۋىنشا, قازٸر حات پوليتسييانىڭ قولىندا.
جانار قىدىرباەۆا سٸڭلٸسٸنٸڭ كٷيەۋٸ قۇمار ويىنعا دا ەۋەس بولۋى مٷمكٸن ەكەنٸن ايتتى.
"ٷيلەرٸنەن فيشكالار مەن كارتالاردى جيٸ كٶرەتٸنمٸن. ونىڭ بۋما-بۋما اقشا ۇستاپ جٷرگەنٸنە دە كۋە بولعانمىن. الايدا باقىتگٷل ونىڭ قايدا جۇمىس ٸستەيتٸنٸ تۋرالى ەشقاشان ايتپاعان", - دەيدٸ ول.
بۇعان دەيٸن مارقۇمنىڭ تٶلەنبەگەن ٷش كرەديتٸ بارى تۋرالى ايتىلعان. سوڭعى رەت ەيەل قازاندا 15 مىڭ تەڭگە ونلاين كرەديت العان. الايدا ونى قايتارا الماعان. تاعى ەكٸ كرەديت تە تٶلەنبەي جاتقان.
كٷيەۋٸ نۇرسۇلتان ورازوۆ جۇمىسسىز قالعاندىقتان ونى تٶلەي الماعانىن ايتقان بولاتىن. ول بازاردا, قۇرىلىستا تٷرلٸ جۇمىستار اتقارعان, تۇراقتى جۇمىسى بولماعان.
ەيەل ٷش بالاسىمەن تەرەزەدەن سەكٸرٸپ كەتتٸ
الماتىدا 22 قاراشا جەتٸسۋ-1 شاعىن اۋدانىنداعى كٶپقاباتتى ٷيلەردٸڭ بٸرٸندە 28 جاستاعى ەيەل ٷش بالاسىمەن بٸرگە 9-قاباتتان سەكٸرٸپ كەتتٸ. تٶرتەۋٸ دە كٶز جۇمدى.
الماتىلىق كەلٸنشەك ٶلەر الدىندا حات قالدىرعان. ول سىناققا شىداي الماعانىن, كٸنەلٸلەردٸڭ ٶزٸ بٸلەتٸنٸن ايتقان.
الماتى قالاسىنىڭ پوليتسييا دەپارتامەنتٸ قايعىلى جاعدايدىڭ الدىن الا سەبەبٸن حابارلادى.
"بۇل ەرەكەتكە وتباسىلىق-تۇرمىستىق قارىم-قاتىناس كەزٸندە كٷيەۋٸ ەكەۋٸنٸڭ اراسىنداعى جانجال سەبەپ بولعان", - دەلٸنگەن پوليتسييا حابارلاماسىندا.
جەدەل-تەرگەۋ توبى قۇرىلدى. وقيعا بويىنشا قىلمىستىق كودەكستٸڭ ("ٶز-ٶزٸنە قول جۇمساۋعا جەتكٸزۋ") بابى بويىنشا تەرگەۋ جٷرگٸزٸلٸپ جاتىر.
