الماتى ەكٸمدٸگٸ تاۋ بٶكتەرٸندەگٸ قۇرىلىس نىسانىن جوسپاردان تىس تەكسەرۋ تۋرالى حابارلادى, - دەپ حابارلايدى Tengrinews.kz.
ەڭگٸمە كٶك تٶبە ٸرگەسٸندە ورنالاسقان كٶلساي ىقشاماۋدانىنداعى قۇرىلىس تۋرالى بولىپ وتىر. جەرگٸلٸكتٸ تۇرعىنداردىڭ ايتۋىنشا, 2022 جىلدىڭ باسىندا 1,7 گەكتار جەردٸڭ يەسٸ اۋىسقان. جەردٸڭ جاڭا قوجايىنى 200-گە جۋىق اعاشتى كەسٸپ, جەردٸ تەگٸستەي باستاعان.
"ونىڭ ٷستٸنە, ول جەردە شاعىن بۇلاق بولعان, سۋى كٸشٸگٸرٸم توعانعا قۇياتىن. ولار قۇبىر تارتىپ, بۇلاقتى كٶمٸپ, توعان تارتىلىپ قالدى.
بٸراق بولاشاقتا ودان دا اۋىر زارداپتار بولۋى مٷمكٸن. ٶيتكەنٸ, وسى جەرگە تۇرعىن ٷي كەشەنٸ مەن كوتتەدجدەر سالعىسى كەلەدٸ. ۋاقىت ٶتە كەلە بۇلاق سۋ قايتا شىعادى, سودان كەيٸن ٷيلەردٸڭ ٸرگەتاسى بٷلٸنەدٸ. الايدا مۇنىمەن ەشكٸم اينالىسقىسى كەلمەيدٸ, ەركٸم ٶز پايداسىن ويلايدى", - دەيدٸ جەرگٸلٸكتٸ تۇرعىنداردىڭ مٷددەسٸن قورعايتىن زاڭگەر عابيت ٶمٸربەكوۆ.
قۇقىق قورعاۋشى جازدىڭ باسىندا تۇرعىندار اتىنان ەكٸمدٸككە ٷندەۋ جازعانىن اتاپ ٶتتٸ. بٸراز ۋاقىتتان كەيٸن ول وسى قاعازدىڭ كٶشٸرمەسٸن الىپ, شەنەۋنٸكتەرگە مەسەلەنٸ تاعى دا ەسكە سالعان. سونىمەن قاتار, جاز ورتاسىندا كٶلساي ىقشاماۋدانىنىڭ تۇرعىندارى جۋرناليستەرگە تەلەفون سوعىپ, رەسپۋبليكالىق تەلەارنالارعا جاعدايىن ايتقان.
"بەرٸ بٸر-بٸرٸنە ٷندەۋٸمٸزدٸ جٸبەرٸپ جاتىر. اعاشتاردى زاڭسىز كەسۋ تۋرالى ارىزدى قابىلداۋ ٷشٸن كەلتٸرٸلگەن شىعىن كٶلەمٸن, ياعني كەسٸلگەن جاسىل القاپتاردىڭ سانىن ەسەپتەۋ كەرەك. ال بۇل - جاسىل ەكونوميكا دەپارتامەنتٸنٸڭ مٸندەتٸ. جالپى, 200-گە جۋىق اعاشتى جويعان ۋچاسكە يەسٸن جاۋاپقا تارتا المايمىز.
ونىڭ ٷستٸنە, جەر يەسٸنە قۇرىلىستى جالعاستىرۋعا ەشكٸم تىيىم سالا المايدى. وسى ۋاقىتتا ول اۋماقتى بەلسەندٸ تٷردە دامىتۋدى جالعاستىرىپ جاتىر. قازٸر اۋماقتى تەگٸستەۋ جۇمىستارى جٷرگٸزٸلٸپ جاتىر. مۇنىڭ بەرٸ جەرگٸلٸكتٸ تۇرعىندار پٸكٸرٸمەن ساناسپاستان جاسالىپ جاتىر. ٶيتكەنٸ, ولاردىڭ ٷيلەرٸ جاقىن جەردە ورنالاسقان. ال بولاشاقتا جاڭا ٷيلەرگە جٷك كٶبەيٸپ, باسقا ٷيلەرگە زييان تيگٸزۋٸ مٷمكٸن", - دەپ تولىقتىردى زاڭگەر.
بۇل رەتتە الماتى قالاسىنىڭ قالا قۇرىلىسىن باقىلاۋ دەپارتامەنتٸ جوسپاردان تىس تەكسەرۋ جٷرگٸزەتٸنٸن حابارلادى.
"ەكٸمشٸلٸك جەر تەلٸمٸنٸڭ يەسٸنە قاتىستى جوسپاردان تىس تەكسەرۋ جٷرگٸزەدٸ, ونىڭ قورىتىندىسى تۋرالى قوسىمشا حابارلانادى", - دەدٸ ۆەدومستۆو ٶكٸلدەرٸ.
