الماتىدا جاپپاي تەرتٸپسٸزدٸك كەزٸندە زارداپ شەككەن جەكە تۇلعالارعا ٶتەماقى تٶلەنەدٸ. بۇل تۋرالى الماتىنىڭ تىنىس-تٸرشٸلٸگٸن قالپىنا كەلتٸرۋ جٶنٸندەگٸ قالالىق شتاب وتىرىسىندا قالا ەكٸمٸنٸڭ ورىنباسارى ٸليياس ٶسەروۆ ايتتى, دەپ حابارلايدى قازاقپارات.
الماتىدا بولعان تەرتٸپسٸزدٸكتەر كەزٸندە مەملەكەتتٸك ورگانداردىڭ, اۋرۋحانالار مەن باق-تىڭ 603 قىزمەتكەرٸ زارداپ شەككەن. ونىڭ ٸشٸندە, قۇقىق قورعاۋ ورگاندارىنىڭ 592 قىزمەتكەرٸ, تٶتەنشە جاعدايلار دەپارتامەنتٸنٸڭ 1 قىزمەتكەرٸ, جەرگٸلٸكتٸ اتقارۋشى ورگانداردىڭ 3 قىزمەتكەرٸ, «الماتى» تەلەارناسىنىڭ 1 قىزمەتكەرٸ جەنە مەديتسينالىق ۇيىمداردىڭ 6 قىزمەتكەرٸ بار. ولاردىڭ بارلىعىنا ٶتەماقى تٶلەنەدٸ.
الماتى قالاسى ەكٸمٸنٸڭ ورىنباسارى ٸليياس ٶسەروۆتىڭ ايتۋىنشا, زارداپ شەككەندەرگە تٶلەمدەر كەلەسٸ دەرەجەلەرگە قاراي بەرٸلەدٸ. اۋىر دەرەجەدە زارداپ شەككەندەر – 2 ملن تەڭگە, ورتاشا دەرەجەدە – 1 ملن تەڭگە, جەڭٸل تٷردە – 500 مىڭ تەڭگە تٶلەنەدٸ.
سونىمەن قاتار, قالادا تٶتەنشە جاعداي كەزٸندە جۇمىلدىرىلعان پوليتسييا دەپارتامەنتٸنٸڭ 3878 قىزمەتكەرٸنە, تٶتەنشە جاعدايلار دەپارتامەنتٸنٸڭ 1207 قىزمەتكەرٸنە, قوعامدىق دەنساۋلىق باسقارماسىنىڭ 3888 قىزمەتكەرٸنە, قۇتقارۋ قىزمەتٸنٸڭ 93 قىزمەتكەرٸنە 100 مىڭ تەڭگە قارجىلاي كٶمەك تٶلەنەدٸ.
«بٷگٸن تيٸستٸ قۇجاتتار قازىناشىلىققا جٸبەرٸلٸپ, تٷستەن كەيٸن العاشقى تٶلەمدەر جاسالادى», - دەدٸ ٸليياس ٶسەروۆ.
سونداي-اق, تيٸستٸ تەرگەۋ ەرەكەتتەرٸ اياقتالعان سوڭ زارداپ شەككەن اۆتوكٶلٸكتەرگە تٶلەمدەردٸ قامتاماسىز ەتۋ ٷشٸن پوليتسييا دەپارتامەنتٸنە شامامەن 200 ملن تەڭگە مٶلشەرٸندە باستاپقى سوما جٸبەرٸلەتٸن بولادى. قاجەت بولعان جاعدايدا بۇل سوما كٶبەيتٸلەدٸ.
