فوتو: gov.kz
الماتىدا نەمەرە ٸنٸسٸنە قاتىستى سەكسۋالدىق سيپاتتاعى زورلىق-زومبىلىق جاسادى دەپ ايىپتالعان 35 جاستاعى ەر ادام سوت شەشٸمٸمەن اقتالدى. الايدا جەبٸرلەنۋشٸ تاراپ بۇل ٷكٸممەن كەلٸسپەي, ٸستٸ قايتا قاراۋدى تالاپ ەتٸپ وتىر, دەپ حابارلايدى Ult.kz Tengrinews.kz-كە سٸلتەمە جاساپ.
ايىپتاۋ ماتەريالدارىنا سەيكەس, كٷدٸكتٸ 2022–2025 جىلدار ارالىعىندا كەمەلەتكە تولماعان بالاعا بٸرنەشە رەت زورلىق-زومبىلىق ەرەكەتتەرٸن جاساعان بولۋى مٷمكٸن دەگەن دەرەك كەلتٸرٸلگەن. بالا تۋىستارىنىڭ ايتۋىنشا, ول 17 اقپانعا قاراعان تٷنٸ ٷيدەن قاشىپ كەلٸپ, زورلىق فاكتٸلەرٸ تۋرالى العاش رەت حابارلاعان.
تەرگەۋ بارىسىندا جەبٸرلەنۋشٸ دە, ونىڭ كەمەلەتكە تولماعان قارىنداسى دا سوتتا جاۋاپ بەرگەن. ولاردىڭ ايتۋىنشا, ايىپتالۋشى تاراپىنان قورقىتۋ مەن قىسىم بولعان. الايدا ەر ادام ٶزٸنە تاعىلعان ايىپتاردى جوققا شىعارىپ, ول ۋاقىتتا باسقا ٶڭٸرلەردە جۇمىس ٸستەگەنٸن مەلٸمدەدٸ.
سوت پروتسەسٸ بارىسىندا تاراپتار ۇسىنعان دەلەلدەمەلەر بٸر-بٸرٸنە قايشى كەلگەن. ساراپتاما نەتيجەلەرٸ بالادان دەنە جاراقاتىن انىقتاماعان, سونداي-اق دنق ٸزدەرٸ دە تابىلماعان. سونىمەن قاتار ساراپتاما ونىڭ پسيحيكالىق جاعدايى ٸس-ەرەكەتتٸ تٷسٸنۋگە قابٸلەتتٸ ەكەنٸن كٶرسەتكەن.
وسىعان بايلانىستى الماتى قالاسىنىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتى 2025 جىلعى 29 جەلتوقساندا ەر ادامدى كٸنەسٸز دەپ تانىپ, قىلمىستىق قۇرامنىڭ دەلەلدەنبەۋٸنە بايلانىستى اقتاۋ ٷكٸمٸن شىعاردى.
ەر ادام سوت زالىنان بوساتىلىپ, زاڭسىز قۋدالاۋ ٷشٸن ٶتەماقى تالاپ ەتۋ قۇقىعىنا يە بولدى.
الايدا جەبٸرلەنۋشٸ تاراپ سوت شەشٸمٸمەن كەلٸسپەيدٸ. ولاردىڭ ايتۋىنشا, ايىپتالۋشىنىڭ تۋىستارى قىسىم كٶرسەتٸپ, ارىزدى قايتارىپ الۋعا مەجبٷرلەمەك بولعان. سونداي-اق ٸستٸ قوعامدىق دەڭگەيدە ىقپال ەتۋ ارقىلى بۇرمالاۋعا ەرەكەت جاسالعانى ايتىلدى.
تۋىستارى اپەللياتسييالىق شاعىمدى قاراۋ پروتسەسٸنٸڭ كەشٸگۋٸنە دە الاڭداۋشىلىق بٸلدٸرۋدە. ولار سوت شەشٸمٸن قايتا قاراۋدى تالاپ ەتٸپ وتىر.
الماتى قالاسىنىڭ پروكۋراتۋراسى اقتاۋ ٷكٸمٸمەن كەلٸسپەي, اپەللياتسييالىق ٶتٸنٸش بەرگەنٸن راستادى. ٸس قالالىق سوتتىڭ قاراۋىندا.
