كٶرنەكٸ فوتو: newsmir.info
جىلۋ جەلٸلەرٸن رەكونسترۋكتسييالاۋعا بايلانىستى 28 شٸلدە ساعات 00:00-دەن 10 تامىزعا دەيٸن الماتى قالاسىنىڭ جەتٸسۋ اۋدانىنداعى رايىمبەك داڭعىلى بويىندا بايزاقوۆ كٶشەسٸنەن كازاكوۆ كٶشەسٸنە دەيٸن باتىس باعىتتا اۆتوموتوكٶلٸك قوزعالىسى جابىلادى, دەپ حابارلايدى «ۇلت اقپارات» «الماتى جىلۋ جەلٸلەرٸ» جشس باسپاسٶز قىزمەتٸنە سٸلتەمە جاساپ.
كەپتەلٸستٸ ازايتۋ ٷشٸن بۇل اۋماقتا ۋاقىتشا رەۆەرسيۆتٸ جولاق بٶلٸنبەك. رەۆەرستٸ جولاق - بۇل جولدارداعى قوزعالىس باعىتى قاراما-قارسى بوپ ٶزگەرۋٸ مٷمكٸن ارنايى جولاق.
"بۇعان قوسا, كٷن سايىن ساعات 15:00-دەن 19:00-گە دەيٸن جىلۋ جەلٸلەرٸن جاڭعىرتۋعا قاتىستى جۇمىستاردى جٷرگٸزۋ ۋاقىتىندا جول قوزعالىسىنا قوسىمشا باقىلاۋ شارالارى قولدانىلادى.
الماتى ەكٸمٸ ەربولات دوساەۆتىڭ تاپسىرماسىنا سەيكەس, قۇرىلىسشىلار داڭعىلدىڭ اسفالت جابىنىن قالپىنا كەلتٸرۋدەگٸ بارلىق جۇمىستى وقۋ جىلى باستالعانعا دەيٸن اياقتايدى. مەردٸگەر قۇرىلىس ۇيىمى جىلۋ ماگيسترالٸن رەكونسترۋكتسييالاۋدى تەۋلٸك بويى, كٸدٸرٸسسٸز جٷرگٸزەدٸ. بۇل ٷشٸن قۇرىلعان بريگادالار ورىندالعان جۇمىستاردىڭ ساپاسىن بارىنشا قامتاماسىز ەتٸپ, نىساندا بٸرنەشە اۋىسىمدا جۇمىس ٸستەيدٸ.
الداعى جىلىتۋ ماۋسىمىنا دايىندىق اياسىندا اتالعان جولدىڭ استىنداعى قۇبىردا جوسپارلى جۇمىس جٷرگٸزۋ كەزٸندە قاۋٸپسٸزدٸكتٸ قامتاماسىز ەتۋ ٷشٸن ۋاقىتشا شەكتەۋلەر ەنگٸزٸلەدٸ" - دەلٸنگەن حابارلامادا.
«الماتى جىلۋ جەلٸلەرٸ» جشس مەجبٷرلٸ قولايسىزدىقتارعا تٷسٸنٸستٸكپەن قاراپ, كٶرسەتٸلگەن ۋچاسكەنٸ اينالىپ ٶتۋ جولىن الدىن الا قاراستىرۋدى سۇرايدى.
