الماتىدا ىقىلاس اتىنداعى حالىق اسپاپتار مۋزەيٸ قورىنا اقان سەرٸنٸڭ دومبىراسى تاپسىرىلدى, دەپ حابارلايدى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.
اقان سەرٸنٸڭ تاريحي دومبىراسىن مۋزەي قورىنا جازۋشى سەكەن جٷنٸسوۆتٸڭ ۇرپاقتارى تاپسىرعان. ەدەبيەت سٷيەر قاۋىمعا بەلگٸلٸ جازۋشى سەكەن جٷنٸسوۆ اقان سەرٸ ٶمٸرٸنە ارناپ رومان جازعان. جازۋشى ەكٸ تومدىق روماندى جازۋ بارىسىندا دومبىرانى كٶكشەتاۋدان تاپقان.
بٷگٸن اقان سەرٸ دومبىراسىنىڭ مۋزەي قورىنا قابىلداۋىنا وراي جىر كەشٸ ٶتتٸ. ەنشٸ جولامان قۇجىمانوۆ, رامازان ستامعازيەۆ, تالعات ەبۋعازى, گٷلسٸم ارىسباەۆا باستاعان دەستٷرلٸ ەنشٸلەر اقان سەرٸنٸڭ «شەمشٸقامار», «ماڭماڭگەر», «بالقاديشا» ەندەرٸن شىرقادى. كەشكە الماتى ەكٸمٸ باۋىرجان بايبەك قاتىستى.
«ەلباسى ن. نازارباەۆتىڭ «بولاشاققا باعدار: رۋحاني جاڭعىرۋ» اتتى ماقالاسىندا: «ۇلتتىق سالت-دەستٷرلەرٸمٸز, تٸلٸمٸز بەن مۋزىكامىز, ەدەبيەتٸمٸز, جورالعىلارىمىز, بٸر سٶزبەن ايتقاندا ۇلتتىق رۋحىمىز بويىمىزدا مەڭگٸ قالۋعا تيٸس. ابايدىڭ دانالىعى, ەۋەزوۆتٸڭ عۇلامالىعى, جامبىلدىڭ جىرلارى مەن قۇرمانعازىنىڭ كٷيلەرٸ, عاسىرلار قويناۋىنان جەتكەن بابالار ٷنٸ - بۇلار بٸزدٸڭ رۋحاني مەدەنيەتٸمٸزدٸڭ بٸر پاراسى عانا», دەلٸنگەن بولاتىن. بۇل باعىتتا ۇلت پەن ۇرپاق ٷشٸن كٶتەرٸلگەن ماڭىزدى مەسەلەلەردٸ ٸسكە اسىرۋ ماقساتىندا, ىقىلاس اتىنداعى حالىق مۋزىكالىق اسپاپتار مۋزەيٸ, ۇلتتىق ٶنەردٸ جاساۋشى تۇلعالاردىڭ جەدٸگەر مۇرالارىن جيناۋدى قايتا ٶربٸتۋدە. وسىعان وراي, ۇلتتىق رۋحانيياتىمىزدىڭ قالىپتاسىپ دامۋىنا زور ىقپالىن تيگٸزگەن, قازاق ٶنەرٸن بيٸك شىڭعا كٶتەرٸپ سوڭىندا ٶشپەس ٸز قالدىرعان, ارقا سال-سەرٸلٸك ٶنەرٸ دەگەندە ەسٸمدەرٸ بٸرٸنشٸ بولىپ اتالاتىن - اقان سەرٸ مەن بٸرجان سال بولسا, عاسىر اسىپ اقان سەرٸنٸڭ قولىنا ۇستاعان قارا دومبىراسى مۋزەي قورىنا الىندى», - دەدٸ كەشتٸ جٷرگٸزۋشٸ مۇرات ەبۋعازى.
ايتا كەتەيٸك, اتالعان مۋزەيدە بٸرجان سالدىڭ دا دومبىراسى ساقتالعان.
اقان سەرٸ 1843 جىلى بۇرىنعى كٶكشەتاۋ وبلىسى, ٷلكەن قوسكٶلدٸڭ ماڭىندا دٷنيەگە كەلگەن, 1913 جىلى دٷنيەدەن وزدى. اقان سەرٸنٸڭ مۋزىكا تۋىندىلارى قازاق ٶنەرٸنٸڭ ٶركەندەۋٸنە زور ىقپالىن تيگٸزدٸ. ونىڭ شىعارمالارىن بەلگٸلٸ ەنشٸلەر ە. قاشاۋباەۆ, ج.ەلەبەكوۆ, م.ەرجانوۆ, ج.كەرمەنوۆ جەنە تاعى دا باسقالار ەل يگٸلٸگٸنە اينالدىردى. قازاقستان كومپوزيتورلارىنىڭ سيمفونييالىق جەنە وپەرالىق شىعارمالارىنا كەڭٸنەن ەنگٸزٸلٸپ, اقان ەندەرٸ ەكٸنشٸ ٶمٸرٸن باستادى. سەرٸنٸڭ ٶمٸرٸ مەن تاعدىرى تۋرالى ٸليياس جانسٷگٸروۆ «قۇلاگەر» پوەماسىن, ع. مٷسٸرەپوۆ «اقان سەرٸ - اقتوقتى» دراماسىن, س. جٷنٸسوۆ «اقان سەرٸ» رومانىن جازدى.
