الماتى قالاسى ەكٸمٸنٸڭ ورىنباسارى مۇحيت ەزٸرباەۆ «زەردەلٸ–6» شاعىن اۋدانىندا قيسايعان كٶپقاباتتى ٷيدٸڭ تۇرعىندارىمەن كەزدەستٸ, - دەپ حابارلايدى "ۇلت اقپارات".
«زەردەلٸ–6» شاعىن اۋدانىنداعى №179 ٷيدٸڭ تۇرعىندارىمەن ٶتكەن كەزەكتٸ كەزدەسۋ بارىسىندا قازقسعزي-نىڭ زەرتتەۋ نەتيجەلەرٸ جارييا ەتٸلدٸ.
2019 جىلدىڭ سوڭعى ايلارىندا باستالعان ٷيدٸڭ نەگٸزٸ مەن تٸرەك كونسترۋكتسييالارىن جٷيەلٸ تٷردە زەرتتەۋ, عيماراتتىڭ كٷن سايىنعى قيسايۋىن ٶلشەۋ جەنە ونىڭ مٷمكٸن بولاتىن سەرپٸنٸن قاداعالاۋ قازقسعزي زەرتحاناسىنىڭ ماماندارىنا وسى ٷيدە تۇرۋ قاۋٸپسٸزدٸگٸنە قاتىستى الدىن الا قورىتىندى بەرۋگە مٷمكٸندٸك بەردٸ. مامانداردىڭ مەلٸمەتٸ بويىنشا, قالپىنا كەلتٸرۋ جۇمىستارى اياقتالعاننان كەيٸن ٷي ودان ەرٸ پايدالانۋعا جارامدى بولادى.
وسى جىلدىڭ اقپان ايىندا قازقسعزي اق-نىڭ قورىتىندىسى مەن ۇسىنىمى نەگٸزٸندە قۇرىلىس-مونتاج جۇمىستارىن باستاۋ جوسپارلانىپ وتىر. وندا قاراما-قارسى جاعىنان توپىراقتى الۋ ارقىلى ٷيدٸڭ قيسايۋىن جويۋ بويىنشا جۇمىستار جٷرگٸزٸلمەك. ودان ەرٸ ٷيدٸڭ ٸرگەتاس تاقتاسىنا بايلانىستىرا وتىرىپ, ٷي پەريمەترٸ بويىنشا بۋرابيۆتٸ قادالار ورناتۋ ارقىلى ٷيدٸ تٸكتەپ نىعايتۋ بويىنشا جۇمىستار جٷرگٸزٸلەدٸ. ودان كەيٸن سۋ بۇرۋ جٷيەسٸنٸڭ قۇرىلعىسىمەن قالپىنا كەلتٸرۋ جۇمىستارى قولعا الىنادى.
«قازٸر ۇسىنىستار بويىنشا قازقسعزي-مەن كەلٸسە وتىرىپ, جۇمىس ٶندٸرٸسٸنٸڭ جوباسى ەزٸرلەنبەك. عيماراتتىڭ ٸرگەتاسىن كٷشەيتۋ, قيسايۋدىڭ الدىن الۋ جەنە جويۋ جٶنٸندەگٸ ودان ارعى بارلىق جۇمىستار قازقسعزي-دٸڭ قۇرىلىس سالاسىنداعى, ونىڭ ٸشٸندە سەيسميكالىق قاۋٸپتٸ ايماقتارداعى پروبلەمالارمەن اينالىساتىن قازاقستانداعى جالعىز مەملەكەتتٸك مەكەمەنٸڭ باقىلاۋىمەن جٷرگٸزٸلەتٸن بولادى. ينستيتۋتتىڭ بۇل سالادا 87 جىلدىق تەجٸريبەسٸ بار», — دەپ اتاپ ٶتتٸ الماتى قالاسىنىڭ جايلى قالالىق ورتا باسقارماسىنىڭ باسشىسى قۋاندىق ايتماعانبەتوۆ.
مامانداردىڭ پٸكٸرٸنشە, قيسايعان ٷيدٸڭ بارلىق پروبلەمالارىن تٷپكٸلٸكتٸ شەشٸلۋٸنە كٶز جەتكٸزبەيٸنشە, بۇل جۇمىستار ٷش ايعا دەيٸن سوزىلۋى مٷمكٸن. سونىمەن قاتار, زەردەلٸ ىقشام اۋدانىنداعى بارلىق 32 ٷي بويىنشا زەرتتەۋ جٷرگٸزٸلٸپ, قازعزي-دٸڭ ۇسىنىمدارى شىقپاق.
قازٸرگٸ ۋاقىتتا بارلىق تۇرعىندار قالا ەكٸمشٸلٸگٸ ەسەبٸنەن جالعا بەرٸلەتٸن تۇرعىن ٷيمەن قامتاماسىز ەتٸلگەن. ادامدارعا بالالارىن بالاباقشالار مەن باسقا دا بٸلٸم بەرۋ مەكەمەلەرٸنە ورنالاستىرۋعا كٶمەك كٶرسەتٸلۋدە.
وسى ۋاقىت ارالىعىندا تۇرعىندار اراسىندا تۋىنداعان بارلىق مەسەلەلەردٸ شەشۋ ٷشٸن ارنايى شتاب قۇرىلىپ, جۇمىس ٸستەۋدە.
