فوتو: اشىق دەرەككٶز
الماتىدا ەل-فارابي داڭعىلىندا بولعان جانتٷرشٸگەرلٸك جول اپاتىنا كٸنەلٸ جٷرگٸزۋشٸ تەرگەۋ يزولياتورىنا قامالدى, دەپ حابارلايدى Ult.kz.
قالالىق پوليتسييا دەپارتامەنتٸنٸڭ مەلٸمەتٸنشە, ZEEKR اۆتوكٶلٸگٸنٸڭ جٷرگٸزۋشٸسٸ بۇعان دەيٸن مەديتسينالىق مەكەمەدە كٷزەتپەن بولعان. قازٸر ول قىلمىستىق ٸس اياسىندا تەرگەۋ يزولياتورىنا اۋىستىرىلدى.
پوليتسييا ٶكٸلدەرٸنٸڭ ايتۋىنشا, كٷدٸكتٸ تەرگەۋ اياقتالعانعا دەيٸن قاتاڭ باقىلاۋدا بولادى.
ەسكە سالساق, 21 ناۋرىزعا قاراعان تٷنٸ جٷرگٸزۋشٸ ەل-فارابي داڭعىلىمەن كەلە جاتىپ, قارسى باعىتقا شىعىپ كەتٸپ, Mercedes اۆتوكٶلٸگٸمەن سوقتىعىسقان. سالدارىنان Mercedes جٷرگٸزۋشٸسٸ مەن ەكٸ جولاۋشىسى وقيعا ورنىندا كٶز جۇمدى. اتالعان فاكتٸ بويىنشا قر قىلمىستىق كودەكسٸنٸڭ 345-بابى 4-بٶلٸگٸمەن ٸس قوزعالدى. بۇل باپ 10 جىلعا دەيٸن باس بوستاندىعىنان ايىرۋ جازاسىن قاراستىرادى.
وقيعادان كەيٸن ٸشكٸ ٸستەر مينيسترٸ ەرجان سادەنوۆ بٸرقاتار باسشى قىزمەتكەرلەردٸڭ جۇمىستان بوساتىلعانىن مەلٸمدەدٸ. سونىمەن قاتار, قالادا «STOP بۇزۋشىلىق» اتتى اۋقىمدى جەدەل-پروفيلاكتيكالىق شارا باستالدى. وعان ەلٸمٸزدٸڭ تٶرت ٶڭٸرٸنەن پوليتسييا قىزمەتكەرلەرٸ تارتىلعان.
قازٸرگٸ ۋاقىتتا مەگاپوليستە تٷنگٸ مەزگٸلدە ۋاقىتشا پوليتسييا بەكەتتەرٸ كٷشەيتٸلگەن رەجيمدە جۇمىس ٸستەپ جاتىر.
