Foto: ashyq derekkóz
Almatyda ál-Farabi dańǵylynda bolǵan jantúrshigerlik jol apatyna kináli júrgizýshi tergeý izoliatoryna qamaldy, dep habarlaidy Ult.kz.
Qalalyq politsiia departamentiniń málimetinshe, ZEEKR avtokóliginiń júrgizýshisi buǵan deiin meditsinalyq mekemede kúzetpen bolǵan. Qazir ol qylmystyq is aiasynda tergeý izoliatoryna aýystyryldy.
Politsiia ókilderiniń aitýynsha, kúdikti tergeý aiaqtalǵanǵa deiin qatań baqylaýda bolady.
Eske salsaq, 21 naýryzǵa qaraǵan túni júrgizýshi Ál-Farabi dańǵylymen kele jatyp, qarsy baǵytqa shyǵyp ketip, Mercedes avtokóligimen soqtyǵysqan. Saldarynan Mercedes júrgizýshisi men eki jolaýshysy oqiǵa ornynda kóz jumdy. Atalǵan fakti boiynsha QR Qylmystyq kodeksiniń 345-baby 4-bóligimen is qozǵaldy. Bul bap 10 jylǵa deiin bas bostandyǵynan aiyrý jazasyn qarastyrady.
Oqiǵadan keiin Ishki ister ministri Erjan Sadenov birqatar basshy qyzmetkerlerdiń jumystan bosatylǵanyn málimdedi. Sonymen qatar, qalada «STOP buzýshylyq» atty aýqymdy jedel-profilaktikalyq shara bastaldy. Oǵan elimizdiń tórt óńirinen politsiia qyzmetkerleri tartylǵan.
Qazirgi ýaqytta megapoliste túngi mezgilde ýaqytsha politsiia beketteri kúsheitilgen rejimde jumys istep jatyr.
