الماتىدا دٷكەندٸ توناعان مارودەر تٷركٸستاندا ۇستالدى. بۇل تۋرالى بٷگٸن بريفينگٸدە تٷركٸستان وبلىسى پوليتسييا دەپارتامەنتٸ باستىعىنىڭ تەرگەۋ جٶنٸندەگٸ ورىنباسارى اسىلجان قالداربەكوۆ ايتتى, دەپ حابارلايدى قازاقپارات.
جەدەل-ٸزدەستٸرۋ ٸس-شارالارىن جٷرگٸزۋ بارىسىندا تٷركٸستان قالالىق پوليتسييا باسقارماسىنىڭ كريمينالدىق پوليتسييا قىزمەتكەرلەرٸ كەنتاۋ قالاسىنىڭ بٸرٸندەگٸ قوناق ٷيگە ايالداعان ٶسكەمەننٸڭ 2 تۇرعىنىن انىقتاعان.
كٷدٸككە ٸلٸنگەن ولاردىڭ بٸرەۋٸ ۇرلانعان زاتتاردى تٷركٸستان قالاسىنداعى لومباردقا ٶتكٸزٸپ تۇرعان جەرٸنەن ۇستالدى.
«ۇستالعان كٷدٸكتٸ بۇرىن قاراقشىلىق قىلمىسى ٷشٸن سوتتالعانىن انىقتادىق. ونىڭ ايتۋىنشا, دوسىمەن بٸرگە 5 قاڭتاردا الماتىعا بارعان. ياعني, جاپپاي تەرتٸپسٸزدٸك كەزٸندە Kcell, Activ دٷكەندەرٸنٸڭ بٸرٸن توناپ, ول جەردەن 5 دانا Samsung تەلەفونىن, 2 دانا سىمسىز قۇلاققاپتى جەنە Apple watch برەندتٸك سمارت-ساعاتتى الىپ كەتكەن. جالپى كەلتٸرٸلگەن شىعىن كٶلەمٸ ميلليون تەڭگە جۋىق», - دەدٸ پوليتسييا پولكوۆنيگٸ.
كٷدٸكتٸلەر ٸزدەرٸن جاسىرۋ ماقساتىندا قايتادان ٶسكەمەنگە ٷيلەرٸنە قايتقان. سول جاقتا 3 دانا تەلەفوندى لومباردقا ٶتكٸزٸپ, اقشاسىن ٶز قاجەتتٸلٸكتەرٸنە جۇمساپ جٸبەرگەن. الدىن الا جوسپارلى تٷردە ەرەكەت ەتكەن ەكەۋ بلوكبەكەتتەردٸڭ بارلىق جەردە الىنىپ تاستالعانىن پايدالانىپ, تٷركٸستان وبلىسىنا تاكسيمەن كەلگەن.
«بٷگٸنگٸ تاڭدا اتالعان جايتقا بايلانىستى تەرگەۋشٸلەر قر قك 188-بابى «ۇرلىق« بويىنشا سوتقا دەيٸنگٸ تەرگەۋ جۇمىستارىن جٷرگٸزۋدە. كٷدٸكتٸ قاماۋعا الىندى. ال ايعاقتى زات رەتٸندە ۇرلانعان زاتتاردىڭ بٸر بٶلٸگٸ تەركٸلەندٸ. سوتقا دەيٸنگٸ تەرگەۋ كەزٸندە قىلمىستىڭ بارلىق جاي-جاپسارىن انىقتايتىن بولامىز», - دەدٸ ا.قالداربەكوۆ.
قازٸرگٸ تاڭدا پوليتسييا قىزمەتكەرلەرٸ كٷدٸكتٸنٸڭ سىبايلاسى, ياعني ەكٸنشٸ جاس جٸگٸتتٸ ٸزدەستٸرۋدە.
