الماتىداعى «بٸرلٸك» مٷسٸنٸ ەلەم نازارىن اۋداردى

فوتو: اشىق دەرەككٶز

الماتىداعى سايران كٶلٸ جاعالاۋىندا ورناتىلعان «بٸرلٸك» ارت-نىسانى قىسقا ۋاقىت ٸشٸندە حالىقارالىق مەديانىڭ نازارىن اۋداردى, دەپ حابارلايدى Ult.kz.

قالا تۇرعىندارىنىڭ بٸرٸگٸپ, يتتٸ قۇتقارعان سەتٸنە ارناپ جاسالعان مٷسٸن ەلەمنٸڭ 30-دان استام ەلٸندە كەڭٸنەن تارالعان. بٸر اپتا ٸشٸندە CBS, BBC Arabic, The Times of India, La Repubblica سىندى ٸرٸ حالىقارالىق اقپارات قۇرالدارىندا جٷزدەن استام ماتەريال جارييالانعان.

جالپى جاڭالىقتىڭ قامتۋى 500 ميلليوننان استام اۋديتوريياعا جەتكەن. ەسكەرتكٸشكە ارنالعان بەينەروليكتەر ونداعان ميلليون قارالىم جيناپ, ال ەلەمدەگٸ ەڭ ٸرٸ پابليكتەردٸڭ بٸرٸ Pubity پاراقشاسىنداعى جازبا 40 ميلليوننان استام وقىرماننىڭ قىزىعۋشىلىعىن تۋدىرعان.

ەلەمنٸڭ ەر تٷكپٸرٸنەن – برازيلييادان ۆەتنامعا دەيٸنگٸ قولدانۋشىلار الماتىنى ادامگەرشٸلٸكتٸڭ ٷلگٸسٸ رەتٸندە اتاپ, بۇل مٷسٸندٸ «دۇرىس قۇندىلىقتاردى دەرٸپتەيتٸن قوعامنىڭ سيمۆولى» دەپ باعالاۋدا.