Foto: ashyq derekkóz
Almatydaǵy Sairan kóli jaǵalaýynda ornatylǵan «Birlik» art-nysany qysqa ýaqyt ishinde halyqaralyq medianyń nazaryn aýdardy, dep habarlaidy Ult.kz.
Qala turǵyndarynyń birigip, itti qutqarǵan sátine arnap jasalǵan músin álemniń 30-dan astam elinde keńinen taralǵan. Bir apta ishinde CBS, BBC Arabic, The Times of India, La Repubblica syndy iri halyqaralyq aqparat quraldarynda júzden astam material jariialanǵan.
Jalpy jańalyqtyń qamtýy 500 millionnan astam aýditoriiaǵa jetken. Eskertkishke arnalǵan beinerolikter ondaǵan million qaralym jinap, al álemdegi eń iri pablikterdiń biri Pubity paraqshasyndaǵy jazba 40 millionnan astam oqyrmannyń qyzyǵýshylyǵyn týdyrǵan.
Álemniń ár túkpirinen – Braziliiadan Vetnamǵa deiingi qoldanýshylar Almatyny adamgershiliktiń úlgisi retinde atap, bul músindi «durys qundylyqtardy dáripteitin qoǵamnyń simvoly» dep baǵalaýda.
