الماتىدا بالالار ۋلانىپ قالعان باسسەيندە ارنايى قۇرىلعى ٸستەن شىققان, دەپ حابارلايدى قازاقپارات.
«تەرگەۋدٸڭ الدىن الا مەلٸمەتتەرٸ بويىنشا, باسسەين ٶكٸلٸنٸڭ ايتۋىنشا, بٸر اپتا بۇرىن باسسەيندەگٸ سۋعا حلور قوساتىن جاڭا قوندىرعى ورناتىلعان, سول كەنەتتەن ٸستەن شىققان», - دەپ حابارلايدى الماتى قالاسى سانيتارلىق-ەپيدەميولوگييالىق باقىلاۋ دەپارتامەنتٸنٸڭ باسپاسٶز قىزمەتٸ.
قۇزىرلى ۆەدومستۆا قالدىق حلور مەن باكتەريولوگييالىق زەرتتەۋلەردٸڭ قۇرامىنا زەرتحانالىق زەرتتەۋلەر جٷرگٸزۋ ٷشٸن باسسەيننەن سۋ, سونداي-اق اۋانىڭ ٶلشەمٸ الىنعانىن اتاپ ٶتتٸ.
«23 قىركٷيەكتە سينحروندى جٷزۋ توبىنا قاتىساتىن 14 بالانىڭ ٸشٸندە 11-ٸنٸڭ تۇنشىعىپ, جٶتەلۋ شاعىمى بويىنشا جەدەل جەردەم بريگاداسى قالالىق بالالار كلينيكالىق اۋرۋحاناسىنىڭ توكسيكولوگييا بٶلٸمٸنٸڭ جەتكٸزدٸ, - دەپ اتاپ ٶتتٸ الماتى قالاسى سەبد باسپاسٶز قىزمەتٸ.
11 بالانىڭ دەنساۋلىعى قاناعاتتانارلىق دەڭگەيدە, ولار سيمپتوماتيكالىق ەم الادى.
